આ શોમાં સુમેધ મુદ્ગલકર ભગવાન કૃષ્ણના રોલમાં અને મલ્લિકા સિંહ રાધાના રોલમાં જોવા મળે છે
પાંચ વર્ષ બાદ ‘રાધાક્રિષ્ન’ પર પૂર્ણવિરામ આવતાં ઇમોશનલ થયા કલાકારો
સ્ટાર ભારત પર આવતી ‘રાધાક્રિષ્ન’ સિરિયલને હવે પૂર્ણવિરામ આપવામાં આવશે. ૧૧૪૫ એપિસોડ બાદ એ શોને બંધ કરવામાં આવશે. આ શોમાં સુમેધ મુદ્ગલકર ભગવાન કૃષ્ણના રોલમાં અને મલ્લિકા સિંહ રાધાના રોલમાં જોવા મળે છે. આ શોને લઈને સુમેધે કહ્યું કે ‘ભગવાન કૃષ્ણનું પાત્ર ભજવવું એ મારા માટે સન્માનની વાત છે. શરૂઆતમાં તો આ રોલ મને મળવો એ ખૂબ મોટી વાત લાગતી હતી. મને એહસાસ થયો કે આ મારી જર્ની હતી અને મારી જાત સાથે જ મારી સ્પર્ધા હતી. પાંચ વર્ષ થવા આવ્યાં હું આ શો સાથે જોડાયેલો છું. હવે ધારણા બદલાઈ ગઈ છે. સેટથી માંડીને વાતાવરણ બધું જ બદલાઈ ગયું છે. અચાનક તમને એહસાસ થાય છે કે આ વસ્તુઓ હવે તમને જોવા નહીં મળે અને તમે એની પ્રશંસા કરવા લાગો છો. તમે ઇમોશનલ બની જાઓ છો. આ શો બાદ મારી લાઇફ શું થશે એની કલ્પના પણ નથી કરી શકતો.’
આ પણ વાંચો : સાજિદ અને અબ્દુ માટે બર્ગર-પાર્ટી રાખી ફારાહે
ADVERTISEMENT
તો બીજી તરફ રાધાના રોલમાં દેખાતી મલ્લિકાએ કહ્યું કે ‘રાધાની ભૂમિકા ભજવવી એ અદ્ભુત અનુભવ હતો. ટીવી શો ‘રાધાક્રિષ્ન’માં રાધાનો રોલ મને ઑફર કરવામાં આવતાં હું ખૂબ ખુશ થઈ હતી. શરૂઆતમાં આ રોલ કરવો મને અઘરું લાગતું હતું, પરંતુ એ પાત્રમાં ઊતરવા માટે અમારે મલ્ટિટાસ્ક કરવાના હતા અને મને એહસાસ થયો કે આ મારી જર્ની છે જેમાં મને ઘણુંબધું શીખવા મળશે અને મારે જે પણ પરિવર્તન આવશે એને સ્વીકારવા રહ્યાં. હવે આ લાંબી જર્નીનો અંત આવી રહ્યો છે. એથી હું ઇમોશનલ તો થઈ છું પરંતુ સાથે જ ઘણી યાદોના સંગ્રહની સાથે સારો અનુભવ પણ મળ્યો છે. જોકે એ વાસ્તવિતા સ્વીકારવી પણ અધરી છે કે આ શો હવે બંધ થવાનો છે. સેટ અને ક્રૂની અમને ખૂબ યાદ આવશે. આ શોને સફળ બનાવવા માટે સેટ પરના દરેક જણે ખૂબ મહેનત કરી છે.’
