Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > મનોરંજન > હૉલીવૂડ સમાચાર > આર્ટિકલ્સ > હૉલીવુડ અને બૉલીવુડ વચ્ચે માત્ર ભાષાનો તફાવત છે : આલિયા ભટ્ટ

હૉલીવુડ અને બૉલીવુડ વચ્ચે માત્ર ભાષાનો તફાવત છે : આલિયા ભટ્ટ

Published : 29 June, 2023 03:41 PM | IST | Mumbai
Gujarati Mid-day Correspondent | feedbackgmd@mid-day.com

તે હૉલીવુડની ‘હાર્ટ ઑફ સ્ટોન’માં દેખાવાની છે.

આલિયા ભટ્ટ

આલિયા ભટ્ટ


આલિયા ભટ્ટનું માનવું છે કે હૉલીવુડ અને બૉલીવુડમાં કામ કરવામાં કોઈ ફરક નથી, માત્ર ભાષા અલગ છે. તે હૉલીવુડની ‘હાર્ટ ઑફ સ્ટોન’માં દેખાવાની છે. ફિલ્મનું ટ્રેલર હાલમાં જ રિલીઝ કરવામાં આવ્યું છે. હૉલીવુડ અને બૉલીવુડમાં કામ કરવામાં શું તફાવત છે એવું તેને પૂછવામાં આવ્યું હતું. આલિયાએ કહ્યું કે ‘બન્નેમાં કોઈ ફરક નથી. આખા વિશ્વમાં સેટ તો સરખો જ હોય છે. લોકો અથવા વિઝન, જોશ અને ઉદ્દેશ પણ એકસરખા છે. માત્ર ભાષા જ અલગ છે અને સાથે જ સ્ટોરી પણ અલગ હોય છે. ખરેખર તો ઇમોશન્સ અગત્યનાં હોય છે, કારણ કે એ જ વસ્તુ તો દર્શકોને કનેક્ટ કરે છે.’

આલિયા ભટ્ટની કઈ હરકતને લઈને લોકોએ તેને અનપ્રોફેશનલ કહી?



આલિયા ભટ્ટને લોકોએ અનપ્રોફેશનલ કહી છે. એનું કારણ છે કે ઇન્ટરનૅશનલ મીડિયાને ઇન્ટરવ્યુ આપતી વખતે તે નીરસ દેખાઈ રહી હતી. તેની આગામી ફિલ્મ ‘હાર્ટ ઑફ સ્ટોન’ના પ્રમોશન દરમ્યાન તેના ચહેરાના હાવભાવ જોઈને લોકો તેની નિંદા કરી રહ્યા છે. આ ​ફિલ્મમાં તેની સાથે ગલ ગડોટ અને જેમી ડોર્મન પણ જોવા મળશે. આ ફિલ્મ વિડિયો સ્ટ્રીમિંગ સર્વિસ નેટ​ફ્લિક્સ પર ૧૧ ઑગસ્ટે રિલીઝ થવાની છે. તેમના ઇન્ટરવ્યુનો વિડિયો વાઇરલ થયો છે. એમાં ગલ ગડોટને તેની વર્ક અને ફૅમિલી લાઇફ પર સવાલ કરવામાં આવ્યો હતો. ગલ ગડોટ જવાબ આપી રહી છે અને આલિયાને તેના જવાબમાં કોઈ ઇન્ટરેસ્ટ નથી દેખાતો. તે બેચેન દેખાય છે અને તેના વાળને સરખા કરવા લાગે છે. તેના આવા વર્તનની સોશ્યલ મીડિયામાં લોકોએ ખૂબ ટીકા કરી છે. એકે લખ્યું કે આલિયાની બૉડી-લૅન્ગ્વેજ વિચિત્ર છે અને તે પ્રોફેશનલ નથી. અન્યએ લખ્યું કે આલિયાની બૉડી-લૅન્ગ્વેજ પ્રોફેશનલ નથી. દીપિકા, પ્રિયંકા, અલી ફઝલની જેમ અન્ય લોકો પણ ઇન્ટરનૅશનલ ઇન્ટરવ્યુ આપે છે અને તેમને જોવાં ગમે પણ છે. આલિયા સારી નથી દેખાતી. અન્ય એકે લખ્યું કે આલિયા ફિટ દેખાવાનો પ્રયાસ કરે છે, પરંતુ નિષ્ફળ થઈ છે.


Whatsapp-channel Whatsapp-channel

29 June, 2023 03:41 PM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK