° °

આજનું ઇ-પેપર
Saturday, 25 March, 2023


ટૉમ ક્રૂઝની સલાહ આજીવન યાદ રાખશે અલી ફઝલ

16 February, 2023 04:49 PM IST | Mumbai
Gujarati Mid-day Correspondent | feedbackgmd@mid-day.com

૨૦૧૮માં અલીની ઍકૅડેમીના મેમ્બર તરીકે નિમણૂક થઈ હતી.

ટૉમ ક્રૂઝની સલાહ આજીવન યાદ રાખશે અલી ફઝલ

ટૉમ ક્રૂઝની સલાહ આજીવન યાદ રાખશે અલી ફઝલ

અલી ફઝલનું કહેવું છે કે તે ટૉમ ક્રૂઝની સલાહ આજીવન યાદ રાખશે. ઑસ્કર દ્વારા આયોજિત લંચની ઇવેન્ટમાં તે ભારતને રેપ્રિઝેન્ટ કરવા પહોંચ્યો હતો. એ દરમ્યાન તેની મુલાકાત હૉલીવુડના અનેક દિગ્ગજો સાથે થઈ હતી. અલીએ ‘ડેથ ઑન ધ નાઇલ’ અને ‘વિક્ટોરિયા ઍન્ડ અબ્દુલ’માં પણ કામ કર્યું હતું. ૨૦૧૮માં અલીની ઍકૅડેમીના મેમ્બર તરીકે નિમણૂક થઈ હતી. ઑસ્કરની રેસમાં એસ. એસ. રાજામૌલીની ‘RRR’, શૌનક સેનની ‘ઑલ ધૅટ બ્રીધ્સ’ અને ગુનીત મોંગાની ‘ધ એલિફન્ટ વ્હિસ્પરર્સ’ને સામેલ કરવામાં આવી છે. આ ફિલ્મો પ્રત્યે ગર્વ અનુભવતાં અલી ફઝલે કહ્યું કે ‘શૌનક અને ગુનીત સાથે ભારતનું પ્રતિનિધિત્વ કરવું એ મારા માટે મોટી વસ્તુ છે. ‘ઑલ ધૅટ બ્રીધ્સ’ મેં હાલમાં જોયેલી ફિલ્મોમાંની શ્રેષ્ઠ ફિલ્મ છે. આ ફિલ્મને તેમની સાથે જોવી અને આપણા સિનેમાને સેલિબ્રેટ કરવામાં આવ્યું એ ગર્વની ક્ષણ છે.’

આ ઇવેન્ટમાં હાજર ટૉમ ક્રૂઝ સાથેનો ફોટો ઇન્સ્ટાગ્રામ પર શૅર કરીને અલીએ કૅપ્શન આપી હતી, ‘ઍકૅડેમીની લંચની ઇવેન્ટમાં હાજર રહેવું અદ્ભુત હતું. ટૅલન્ટથી છલોછલ આખા રૂમમાં એક્સ્ટ્રાઑર્ડિનરી ટૉમ ક્રૂઝ સૌથી વધુ ઉદાર હતા. તેમણે આપેલી સલાહને હું આજીવન યાદ રાખીશ. બીજો ફોટો મારા માટે અતિશય ગર્વની ક્ષણ હતી.’

ટૉમ ક્રૂઝે હૉલીવુડને બચાવ્યું છે : સ્ટીવન સ્પીલબર્ગ

સ્ટીવન સ્પીલબર્ગનું કહેવું છે કે ટૉમ ક્રૂઝે તેની ‘ટૉપ ગન : મૉવરિક’ દ્વારા હૉલીવુડને બચાવી લીધી છે. સ્ટીવન સ્પીલબર્ગની ‘ધ ફેબલમૅન્સ’ અને ટૉમ ક્રૂઝની ‘ટૉપ ગન : મૉવરિક’ ઑસ્કરમાં બેસ્ટ પિક્ચરની રેસમાં છે. બન્ને ઑસ્કર દ્વારા આયોજિત લંચની ઇવેન્ટમાં જોડાયા હતા. એ દરમ્યાન ટૉમ ક્રૂઝની પ્રશંસા કરતાં સ્ટીવન સ્પીલબર્ગે કહ્યું કે ‘તે હૉલીવુડને બચાવી લીધું છે. તે થિયેટ્રિકલ ડિસ્ટ્રિબ્યુશનને પણ ઉગારી લીધું છે. ખરેખર ‘ટૉપ ગન : મૉવરિક’એ આખી થિયેટર ઇન્ડસ્ટ્રીને પણ બચાવી લીધી છે.’

16 February, 2023 04:49 PM IST | Mumbai | Gujarati Mid-day Correspondent

અન્ય લેખો

હૉલીવૂડ સમાચાર

John Wick Chapter 4 Review: સુંદર સૂર્યોદયના દ્રશ્ય સાથે જૉન વિકની સ્ટોરીનો અંત?

‘જૉન વિક ચૅપ્ટર 4’નો ટોટલ રન ટાઇમ 3 કલાક અને 45 મિનિટનો રહેવાનો હતો પણ કોઈ સંજોગોના કારણે ફિલ્મનો રન ટાઇમ બે કલાક અને 49 મિનિટ કરી થિયેટરમાં રિલીઝ કરવામાં આવી છે.

25 March, 2023 08:01 IST | Mumbai | Gujarati Mid-day Online Correspondent
હૉલીવૂડ સમાચાર

આ છે ‘ધ ક્રાઉન’નાં પ્રિન્સ વિલિયમ અને કેટ મિડલટન

પ્રિન્સ જ્યૉર્જ ઑફ વેલ્સ, પ્રિન્સ લુઇસ ઑફ વેલ્સ અને પ્રિન્સેસ શાર્લેટ ઑફ વેલ્સ નામનાં ત્રણ બાળકો છે. આ સિરીઝ ખૂબ સંવેદનશીલપૂર્વક બનાવવામાં આવી રહી છે. 

19 March, 2023 03:21 IST | Mumbai | Gujarati Mid-day Correspondent
હૉલીવૂડ સમાચાર

ઇગ્લુમાં રાત રોકાવા માટે ઑસ્કરમાં હાજરી નહોતી આપી ટૉમ ક્રૂઝે

નૉર્થ પોલથી ૫૦૦ માઇલ દૂર સાઉથમાં સ્વાલબર્ડમાં ટૉમ ક્રૂઝ તેની ‘મિશન ઇમ્પૉસિબલ’ સિરીઝની આઠમી ફિલ્મનું શૂટિંગ કરી રહ્યો હતો

15 March, 2023 03:02 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK