રામ ગોપાલ વર્માએ રણવીર સિંહના ફોટોશૂટને લિંગ સમાનતા સાથે જોડી દીધું છે
રામ ગોપાલ વર્મા
બોલિવૂડના હાર્ટથ્રોબ રણવીર સિંહે જ્યારથી ન્યૂડ ફોટોશૂટ કરાવ્યું છે, ત્યારથી જ તેની ચર્ચાઓ દરેક જગ્યાએ થઈ રહી છે. રણવીર સિંહના આ બોલ્ડ સ્ટેપ માટે ઘણા લોકોએ તેને ટ્રોલ કર્યો છે અને ઘણા લોકોએ તેને સપોર્ટ પણ કર્યો છે. ફિલ્મમેકર રામ ગોપાલ વર્માએ પણ રણવીર સિંહને થમ્પ્સ અપ આપ્યો છે.
રામ ગોપાલ વર્માએ રણવીર સિંહના ફોટોશૂટને લિંગ સમાનતા સાથે જોડી દીધું છે. રામ ગોપાલ વર્મા કહે છે કે જો સ્ત્રી પોતાનું સેક્સી શરીર બતાવી શકે છે તો પુરુષ કેમ નહીં? ETimes સાથેની વાતચીતમાં, રામ ગોપાલ વર્માએ કહ્યું કે “મને લાગે છે કે લિંગ સમાનતા માટે ન્યાયની માગ કરવાની આ રણવીર સિંહની રીત છે. જો સ્ત્રીઓ પોતાના શરીરને ચમકાવી શકે છે તો પુરુષો કેમ નહીં? તે દંભ છે કે પુરુષો સાથે ન્યાય કરવામાં આવે છે. પુરુષોને પણ મહિલાઓની જેમ સમાન અધિકાર મળવા જોઈએ.”
ADVERTISEMENT
રણવીરને ટેકો આપ્યો
રામ ગોપાલ વર્માએ કહ્યું કે “મને લાગે છે કે આખરે આપણો દેશ હવે જૂના સમયથી આગળ આવી રહ્યો છે. મને લાગે છે કે આ રણવીર સિંહનું લિંગ સમાનતા અંગેનું નિવેદન છે.”
બીજી તરફ અભિનેતા રણવીર સિંહ વિરુદ્ધ પોલીસ ફરિયાદ પણ નોંધવામાં આવી છે, જેમાં આરોપ છે કે રણવીર સિંહે ન્યૂડ થઈને મહિલાઓની લાગણીઓને ઠેસ પહોંચાડી છે. રણવીરના ફોટોશૂટ પર રાજનીતિ પણ થવા લાગી છે. આ બધી ચર્ચાઓ જોયા પછી એમ કહેવું ખોટું નહીં હોય કે રણવીર સિંહ ટૉક ઑફ ધ ટાઉન બની ગયો છે.
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)