° °

આજનું ઇ-પેપર
Sunday, 03 July, 2022


સર્જરી બાદ બગડ્યો આ કન્નડ અભિનેત્રીનો ચહેરો, હાલત એવી કે ઓળખવી પણ મુશ્કેલ

20 June, 2022 06:16 PM IST | Mumbai
Gujarati Mid-day Online Correspondent | gmddigital@mid-day.com

સ્વાતિની જે તસવીરો ઈન્ટરનેટ પર વાયરલ થઈ રહી છે તેમાં તેનો ચહેરો એક બાજુથી સંપૂર્ણ રીતે સોજી ગયેલો દેખાય છે

તસવીર સૌજન્ય: સોશિયલ મીડિયા

તસવીર સૌજન્ય: સોશિયલ મીડિયા

કન્નડ અભિનેત્રી સ્વાતિ સતીશને સર્જરી ભારે પડી છે. અભિનેત્રીએ રૂટ કેનાલ સર્જરી કરાવી હતી, પરંતુ સારવાર ખોટી પડી અને તેનો ચહેરો બગડી ગયો હતો. અભિનેત્રીની તસવીરો સોશિયલ મીડિયા પર વાયરલ થઈ રહી છે, જેમાં તેને ઓળખવી મુશ્કેલ બની રહી છે.

સ્વાતિની જે તસવીરો ઈન્ટરનેટ પર વાયરલ થઈ રહી છે તેમાં તેનો ચહેરો એક બાજુથી સંપૂર્ણ રીતે સોજી ગયો છે. તેની આંખો, હોઠ, ગાલ અને ચહેરાનો નીચેનો ભાગ સંપૂર્ણપણે બગડી ગયેલો દેખાય છે. અભિનેત્રીના કહેવા પ્રમાણે, તેણે રૂટ કેનાલ સર્જરી કરાવી હતી, જેના પછી તેનો ચહેરો આવો થઈ ગયો છે.

અઠવાડિયા પછી પણ સ્થિતિમાં સુધારો થયો નથી. માહિતી અનુસાર, સ્વાતિના ડૉક્ટરે કહ્યું હતું કે તેને ગભરાવાની જરૂર નથી કારણ કે તેનો સોજો એક-બે દિવસમાં ઠીક થઈ જશે, પરંતુ અભિનેત્રીની વાત માનીએ તો ત્રણ અઠવાડિયા વીતી ગયા અને તેના ચહેરાની સ્થિતિ યથાવત્ છે. તેનો ચહેરો સુધરવાને બદલે ખરાબ થઈ રહ્યો છે.

એક્ટ્રેસનું કહેવું છે કે આ કારણે તેણે ઘરની બહાર જવાનું બંધ કરી દીધું છે. ડૉક્ટર પર આરોપ લગાવતા અભિનેત્રીએ કહ્યું કે તેની સારવાર ખોટી રીતે કરવામાં આવી છે. ડૉક્ટરે તેના દાંતને સુન્ન કરવા માટે એનેસ્થેસિયાને બદલે સેલિસિલિક એસિડ આપ્યું હતું.

તમને જણાવી દઈએ કે અગાઉ સાઉથ ઈન્ડસ્ટ્રીની અભિનેત્રીનું પણ ખોટી સર્જરીના કારણે મોત થઈ ગયું હતું. સાઉથ એક્ટ્રેસ ચેતના રાજનું ગયા મહિને ફેટ ફ્રી સર્જરી બાદ અવસાન થયું હતું. અભિનેત્રીને પ્લાસ્ટિક સર્જરી માટે હોસ્પિટલમાં દાખલ કરવામાં આવી હતી. સર્જરી દરમિયાન થયેલી ભૂલને કારણે અભિનેત્રીએ પોતાનો જીવ ગુમાવ્યો હતો.

સર્જરી બાદ તેમની તબિયત અચાનક બગડી હતી. ડૉક્ટરોએ કહ્યું હતું કે તેના ફેફસામાં પાણી ભરાઈ ગયું હતું, જેના કારણે તેનું મોત થયું હતું, જ્યારે અભિનેત્રીના સંબંધીઓએ ડૉક્ટર પર બેદરકારીનો આરોપ લગાવ્યો હતો.

20 June, 2022 06:16 PM IST | Mumbai | Gujarati Mid-day Online Correspondent

અન્ય લેખો

બૉલિવૂડ સમાચાર

લંડન બાદ હવે મૉન્ટ્રિયલમાં થશે તાપસીની ‘દોબારા’નું સ્ક્રીનિંગ

આ ફિલ્મ ફેસ્ટિવલ એની ૨૬મી વર્ષગાંઠ ૨૧ જુલાઈથી ૨૪ જુલાઈ સુધી સેલિબ્રેટ કરશે અને એમાં કોરિયન, જૅપનીઝ અને સ્પૅનિશ ફિલ્મોનાં સ્ક્રીનિંગ થવાનાં છે.

03 July, 2022 05:01 IST | Mumbai | Gujarati Mid-day Correspondent
બૉલિવૂડ સમાચાર

‘એક વિલન રિટર્ન્સ’ના પોતાના રોલ માટે જિમમાં કલાકો પસાર કરતો હતો અર્જુન કપૂર

મને મારી જાત પર ગર્વ થાય છે કે મેં અનેક કલાકો જિમમાં પસાર કર્યા હતા અને દરરોજ યોગ્ય આહાર લેતો હતો. સાથે જ તંદુરસ્તીને પ્રાથમિકતા આપવા માટે માનસિક રીતે પણ હું સક્ષમ હતો.

03 July, 2022 04:48 IST | Mumbai | Gujarati Mid-day Correspondent
બૉલિવૂડ સમાચાર

વૉશિંગ્ટનમાં સદ્ગુરુ અને કપિલ દેવ સાથે ગૉલ્ફનો આનંદ લીધો રકુલે

વિડિયોમાં તે ફૅન્સને ઑટોગ્રાફ આપી રહી છે. એ ​ક્લિપને ઇન્સ્ટાગ્રામ પર શૅર કરીને રકુલે કૅપ્શન આપી હતી, ‘વૉશિંગ્ટન ડીસીમાં એટીએ કન્વેન્શનની આનાથી સારી શરૂઆત બીજી કઈ હોઈ શકે.’

03 July, 2022 04:44 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK