જાવેદ અખ્તર (Javed Akhtar)અને તેમની પત્ની શબાના આઝમી(Shabana Azmi)એ તાજેતરમાં એક ઉર્દૂ આલ્બમ `શાયરાના - સરતાજ` લોન્ચ કર્યું હતું. આ કાર્યક્રમમાં જાવેદ અખ્તરે ઉર્દૂ ભાષાના મહત્વ વિશે વાત કરી હતી.
જાવેદ અખ્તર
પીઢ ગીતકાર અને સ્ક્રિપ્ટ રાઈટર જાવેદ અખ્તર (Javed Akhtar)અને તેમની પત્ની શબાના આઝમી(Shabana Azmi)એ તાજેતરમાં એક ઉર્દૂ આલ્બમ `શાયરાના - સરતાજ` લોન્ચ કર્યું હતું. આ કાર્યક્રમમાં જાવેદ અખ્તરે ઉર્દૂ ભાષાના મહત્વ વિશે વાત કરી હતી. તેમણે કહ્યું કે ઉર્દૂ ભારતની ભાષા છે. જેઓ માને છે કે ઉર્દૂ પાકિસ્તાન સાથે સંબંધિત છે, તેઓ ખોટું માને છે. પાકિસ્તાન પણ ભાગલા પછી જ ઉભું થયું. જાવેદ અખ્તર માને છે કે કોઈપણ ભાષાને કોઈ ચોક્કસ ધર્મ સાથે કોઈ લેવાદેવા નથી.
ઉર્દૂ ભારતની ભાષા છે...
જાવેદ અખ્તરે આ ઈવેન્ટમાં કહ્યું, `ઉર્દૂ કોઈ બીજી જગ્યાએથી નથી આવ્યું. આ આપણા ભારતની ભાષા છે. તે ભારતની બહાર બોલવામાં આવતી નથી. તે પાકિસ્તાન કે ઈજિપ્તની ભાષા નથી. પાકિસ્તાન પણ પહેલા અસ્તિત્વમાં નહોતું. તે પણ ભારતમાંથી જ આવ્યું છે. જાવેદ અખ્તરના મતે ઉર્દૂના વિકાસમાં પંજાબની મોટી ભૂમિકા છે.
ADVERTISEMENT
આ પણ વાંચો: `મને ગર્વ છે હું પાકિસ્તાની છું`, અભિનેતા અલીએ આવું કહી જાવેદ અખ્તરના નિવેદન...
ઉર્દૂને મહત્વ આપવાની જરૂર છે
જાવેદ અખ્તર પોતાની વાત આગળ વધારતા કહે છે, `પંજાબે ઉર્દૂમાં ઘણું યોગદાન આપ્યું છે અને તે ભારતની ભાષા છે. પણ તમે આ ભાષા કેમ છોડી? વિભાજનને કારણે? પાકિસ્તાનના કારણે? ઉર્દૂ પર ધ્યાન આપવાની જરૂર છે. પહેલા માત્ર હિન્દુસ્તાન હતું - બાદમાં હિન્દુસ્તાનથી અલગ થઈને પાકિસ્તાનની રચના થઈ.
આ પણ વાંચો: જાવેદ અખ્તરે પાકિસ્તાનમાં બેસીને પાકિસ્તાન પર જ કરી તીખી ટિપ્પણીઓ, વીડિયો વાયરલ
જાવેદ અખ્તર 17 થી 19 ફેબ્રુઆરી દરમિયાન પાકિસ્તાનના લાહોરમાં `ફૈઝ ફેસ્ટિવલ`માં પહોંચ્યા હતા. ત્યાં ઉર્દૂ કવિ ફૈઝ અહેમદ ફૈઝની યાદમાં એક કાર્યક્રમનું આયોજન કરવામાં આવ્યું હતું. આ દરમિયાન એન્કરે જાવેદ અખ્તરને કહ્યું કે પાકિસ્તાન ખૂબ જ મૈત્રીપૂર્ણ, પ્રેમાળ અને સકારાત્મક દેશ છે. અમે બોમ્બ ફેંકતા નથી, અમે ફૂલથી સ્વાગત પણ કરીએ છીએ અને પ્રેમ પણ કરીએ છીએ. આ અંગે તેમનો શું ખ્યાલ છે.
