આત્મહત્યાની અફવાઓ ઉડી એ વાત સાંભળીને અભિનેત્રી બહુ દુઃખી થઈ હતી
ઇલિયાના ડિક્રૂઝની ફાઈલ તસવીર
બૉલીવુડ સેલેબ્ઝ તેમના કામને કારણે અથવા તો અંગત જીવનને કારણે સતત ચર્ચામાં રહેતા હોય છે. અભિનેત્રી ઇલિયાના ડિક્રૂઝ (Ileana D`Cruz) પણ હમણા ઘણા સમયથી સતત ચર્ચામાં હોય છે. થોડા સમય પહેલા જ તે ગર્ભવતી હોવાની અને તેણે ગર્ભપાત કર્યો હોવાની ચર્ચાઓએ જોર પકડ્યું હતું. આ ઉપરાંત તેણે આત્મહત્યા કરવાનો પ્રયાસ કર્યો હોવાની પણ ચર્ચા થતી હતી. ત્યારે અભિનેત્રીએ આ બધી અફવાઓને રદિયો આપ્યો છે અને સ્પષ્ટ કર્યું છે કે, આ માત્ર અફવાઓ જ છે.
વેબ પોર્ટલ બોલિવૂડ હંગામાને તાજેતરમાં આપેલા ઈન્ટરવ્યૂમાં ઈલિયાનાએ ફૅક ન્યૂઝ તથા અફવા પર કહ્યું હતું કે, `મારી સાથે જોડાયેલી કેટલીક અફવા છે. એવી ચર્ચા થતી હતી કે હું પ્રેગ્નન્ટ હતી અને મેં અબોર્શન કરાવ્યું હતું. આ બહુ જ દુઃખી કરનારી વાત છે. સાચું કહું તો કેટલાંક લોકો આવુ જ લખે છે. આ બહુ જ વાહિયાત છે.` ઉલ્લેખનીય છે કે વર્ષ ૨૦૧૮માં ઈલિયાના ગર્ભવતી હોવાની ચર્ચા થવા લાગી હતી. જોકે, તે સમયે અભિનેત્રીએ સોશ્યલ મીડિયામાં તસવીર શૅર કરીને કહ્યું હતું, `નોટ પ્રેગ્નન્ટ.`
ADVERTISEMENT
વધુમાં અભિનેત્રિએ કહ્યું કે, `એક એવી અફવા પણ હતી કે મેં આત્મહત્યા કરી હતી, નહીં... નહીં આત્મહત્યા કરવાનો પ્રયાસ કર્યો હતો. આ બહુ જ દુઃખદ હતું. મેં આત્મહત્યા કરી હતી પરંતુ હું બચી ગઈ હતી અને મારી કામવાળીએ આ વાતને કન્ફર્મ પણ કરી હતી. પરંતુ તમને જણાવી દઈએ કે, મારા ઘરમાં કામવાળી છે જ નહીં. મેં આત્મહત્યા કરવાનો પ્રયાસ કર્યો જ નહોતો. હું જીવિત હતી. આ વાતનો કોઈ મતલબ જ નથી. મને ખ્યાલ નથી કે આ પ્રકારની વાતો કઈ રીતે બહાર આવે છે.`
વર્ક ફ્રન્ટની વાત કરીએ તો, સાઉથની ફિલ્મોમાં ઓળખ બનાવ્યા બાદ ઇલિયાના ડિક્રૂઝે બૉલીવુડમાં પગ મુક્યા હતા. તેણે `બરફી`, `મૈં તેરા હીરો` તથા `રૂસ્તમ` જેવી ફિલ્મમાં કામ કર્યું હતું. તાજેતરમાં તેની અભિષેક બચ્ચન સાથેની ફિલ્મ `ધ બિગ બુલ` ડિઝની પ્લસ હૉટસ્ટાર પર રિલીઝ થઈ છે.