ટેલર સ્વિફ્ટ સાથે ટચી થઈ રહ્યો છે અને તેને ડેટ કરી રહ્યો હોવાની અફવા વિશે તેણે આવું કહ્યું
દિલજિત દોસંજ અને ટેલર સ્વિફ્ટ
દિલજિત દોસંજે હાલમાં જ એક સમાચારને લઈને હળવી મસ્તી કરી છે. એક એવા સમાચાર વહેતા થયા છે કે તે અમેરિકન સિંગર ટેલર સ્વિફ્ટને વૅનકુવરમાં એક રેસ્ટોરાંમાં મળ્યો હતો અને તેની સાથે ખૂબ જ ટચી થઈ રહ્યો હતો. તેઓ એકમેકને ડેટ કરી રહ્યાં હોવાની પણ ચર્ચા ચાલી હતી. જોકે આ તમામ સમાચારને તેણે મજાકમાં કાઢી નાખ્યા છે. તેઓ સોમવારે રાતે વૅનકુવરમાં કૅક્ટસ ક્લબ કૅફે કોલ હાર્બરમાં ડિનર કરી રહ્યાં હોવાની ચર્ચા હતી. ઘણાબધા સોર્સે એ વાતને પુષ્ટિ આપી હતી કે તેઓ ખૂબ જ હસી રહ્યાં હતાં અને એકમેકને ટચ પણ કરી રહ્યાં હતાં. આ સમાચારને લઈને મસ્તીમાં દિલજતે કહ્યું કે ‘યાર પ્રાઇવસી નામ દી વી કોઈ ચીઝ હૌંદી હૈ.’ જોકે તેણે મસ્તીમાં જે ટ્વીટ કર્યું હતું એને હવે તેણે ડિલીટ કરી દીધું છે, પરંતુ એનો સ્ક્રીનશૉટ વાઇરલ થયો છે.