ટાટા મોટર્સ બોર્ડે ગયા વર્ષે ઑગસ્ટમાં કંપનીને ડિમર્જ કરવાનો નિર્ણય લીધો હતો. બોર્ડનું માનવું હતું કે અલગ વ્યવસાયો રાખવાથી બન્ને કંપનીઓ પર વધુ ધ્યાન કેન્દ્રિત કરવામાં આવશે, હાલના રોકાણોનો વધુ સારો ઉપયોગ થશે અને ભવિષ્ય માટે સરળ આયોજન કરવામાં આવશે.
ટાટા મોટર્સના શૅરમાં મોટો કડાકો
ટાટા મોટર્સના ડિમર્જર (એક વ્યવસાયને બીજાથી અલગ કરવું) ને કારણે મંગળવાર, 14 ઑક્ટોબરના રોજ તેના શૅર્સમાં લગભગ 40 ટકા જેટલો ઘટાડો જોવા મળ્યો હતો. જોકે, રોકાણકારોએ આ ઘટાડાથી ગભરાવાની જરૂર નથી, કારણ કે ટાટા મોટર્સે ફક્ત તેના પેસેન્જર વાહન અને કમર્શિયલ વાહન સેગમેન્ટને અલગ કંપનીઓમાં વિભાજીત કર્યા છે. જેને લીધે આ ઘટાડો જોવા મળ્યો હોવાનું કહેવાય છે. ટાટા મોટર્સના કમર્શિયલ વાહનો હવે ટાટા મોટર્સ કમર્શિયલ વ્હીકલ્સ લિમિટેડ તરીકે ઓળખાશે. કંપનીના શૅરને 1:1 ના ગુણોત્તરમાં વિભાજીત કરવામાં આવ્યા છે. શૅરમાં થયેલા ઘટાડાને શૅરના ભાવ અનુસાર સમાયોજિત કરવામાં આવશે.
કંપનીને ડિમર્જ કેમ કરવામાં આવી?
ADVERTISEMENT
ટાટા મોટર્સ બોર્ડે ગયા વર્ષે ઑગસ્ટમાં કંપનીને ડિમર્જ કરવાનો નિર્ણય લીધો હતો. બોર્ડનું માનવું હતું કે અલગ વ્યવસાયો રાખવાથી બન્ને કંપનીઓ પર વધુ ધ્યાન કેન્દ્રિત કરવામાં આવશે, હાલના રોકાણોનો વધુ સારો ઉપયોગ થશે અને ભવિષ્ય માટે સરળ આયોજન કરવામાં આવશે. કંપની ભવિષ્યમાં નવી વૃદ્ધિની તકો પર પણ વધુ ધ્યાન કેન્દ્રિત કરવા માગે છે. બન્ને સેગમેન્ટ એકબીજાથી અલગ છે. તેથી, બોર્ડે કંપનીના ડિમર્જરની જાહેરાત કરી હતી. હવેથી, ટાટા મોટર્સના પેસેન્જર વાહનો યુનિટ ‘ટાટા મોટર્સ પેસેન્જર વ્હીકલ્સ લિમિટેડ’ (TMPVL) તરીકે ઓળખાશે, અને કમર્શિયલ વાહનો યુનિટ ‘ટાટા મોટર્સ કમર્શિયલ વ્હીકલ્સ લિમિટેડ’ (TMLCV) તરીકે ઓળખવામાં આવશે.
કંપનીના શૅરની સ્થિતિ
કંપનીએ ડિમર્જરની તારીખ 14 ઑક્ટોબર નક્કી કરવામાં આવી હતી. આજે, ટાટા મોટર્સ પેસેન્જર વ્હીકલ્સ લિમિટેડના શૅર BSE પર રૂ. 399 પર ખુલ્યા. NSE પર કંપનીના શૅર રૂ. 400 પર લિસ્ટ થયા હતા. લિસ્ટિંગ પછી, કંપનીના શૅર 2 ટકા ઘટીને રૂ. 391 પર ટ્રેડ થઈ રહ્યા હતા. મંગળવારે બજાર બંધ થતાં, ટાટા મોટર્સ પેસેન્જર વ્હીકલ્સ લિમિટેડના શૅર BSE પર રૂ. 3.90 અથવા 0.98 ટકા ઘટીને રૂ. 395.10 પર બંધ થયા હતા. મંગળવાર, ૧૪ ઑક્ટોબર, ૨૦૨૫ ના રોજ ટાટા મોટર્સના શૅરમાં ૪૦ ટકાથી વધુનો ઘટાડો થયો. બીએસઈ પર આ શેર રૂ. ૩૯૯ પર ખુલ્યો, જે સોમવારના રૂ. ૬૬૦.૯૦ ના બંધ ભાવ કરતા ઘણો ઓછો હતો.
૮૦ વર્ષમાં ચોથી વખત ચોથી વખત કર્યો મોટો બદલાવ
- ટાટા મોટર્સના ઇતિહાસ પર નજર કરીએ તો, દરેક નામ બદલાવ એક જ વિચાર દ્વારા પ્રેરિત થયો છે: સમય જતાં તેના વ્યવસાયની દિશા સ્પષ્ટ રીતે વ્યાખ્યાયિત થઈ છે.
- ૧૯૪૫: ટાટા લોકોમોટિવ એન્ડ એન્જિનિયરિંગ કંપની લિમિટેડ તરીકે શરૂઆત થઈ, જે એક એવી કંપની હતી જેણે ભારતના ઔદ્યોગિક ભવિષ્યનું સ્વપ્ન જોયું હતું.
- ૧૯૬૦: ભારત ઔદ્યોગિક ક્રાંતિના ઉંબરે હતું ત્યારે નામ બદલીને ટાટા એન્જિનિયરિંગ એન્ડ લોકોમોટિવ કંપની લિમિટેડ (TELCO) કરાયું હતું.
- ૨૦૦૦: કંપનીએ એન્જિનિયરિંગ પર ધ્યાન કેન્દ્રિત કર્યું અને પોતાનું નામ ટાટા એન્જિનિયરિંગ લિમિટેડ રાખ્યું.
- ૨૦૦૩: એક વળાંક, જ્યારે TELCOનું નામ બદલીને ટાટા મોટર્સ લિમિટેડ રાખવામાં આવ્યું. તે સમયે, રતન ટાટાએ કહ્યું, "ટાટા મોટર્સ આપણે ખરેખર શું કરીએ છીએ તે વ્યાખ્યાયિત કરે છે."
Disclaimer: (આ માહિતી ફક્ત માહિતીના હેતુ માટે છે. એ નોંધવું મહત્ત્વપૂર્ણ છે કે બજારમાં રોકાણ કરવું બજારના જોખમોને આધીન છે. રોકાણકાર તરીકે રોકાણ કરતા પહેલા હંમેશા નિષ્ણાતની સલાહ લો. ગુજરાતી મિડ-ડે ડૉટ કૉમ ક્યારેય તેમાં રોકાણ કરવાની ભલામણ કરતું નથી.)
