ચીન-અમેરિકા ટ્રેડ વૉર વચ્ચે દિલ્હીમાં આજથી WTOની બેઠક
16 દેશના પ્રતિનિધિઓ સામેલ આ બેઠકમાં
વર્લ્ડ ટ્રેડ ઓર્ગોનાઈઝેશનની મહત્વપૂર્ણ બેઠક દિલ્હીમાં યોજાઈ રહી છે. આ બે દિવસીય બેઠક 13 અને 14મે દરમિયાન યોજાશે જેમાં 16 વિકાસશીલ દેશોના પ્રધાનો અને અધિકારીઓ અલગ અલગ જરુરી વિષયો પર ચર્ચા કરશે. આ બે દિવસીય બેઠક એવા સમયમાં થઈ રહી છે. જ્યારે નિયમ આધારિત બહુપક્ષીય બિઝનેસને ચેલેન્જ મળી રહી છે. અમેરિકા અને ચીન વચ્ચે ટ્રેડ વૉર ચાલું છે. જ્યારે ભારત-અમેરિકા અને અન્ય ઘણા દેશોના ટેરિફને લઈને ગુચવણ ચાલી રહી છે.
16 વિકાસશીલ દેશો સાથે આજથી WTOની શરૂ થઇ બેઠક
ADVERTISEMENT
ન્યૂઝ એજન્સી એએનઆઈ અનુસાર આ બેઠકમાં ચીન, મિસ્ત્ર, ઈન્ડોનેશિયા, મલેશિયા. ટર્કી સહીત કુલ 16 વિકાસશીલ દેશો અને 6 સૌથી ઓછા વિકસિત દેશોના પ્રધાનો અને વરિષ્ઠ અધિકારીઓ આ બેઠકમાં સામેલ છે અને WTOની વ્યવસ્થાથી સાથે જોડાયેલા વિષયો પર ચર્ચા કરવામાં આવશે.
Earlier visuals of WTO (World Trade Organisation) Ministerial meeting being held in Delhi. pic.twitter.com/QLEmJSai01
— ANI (@ANI) May 13, 2019
આયાતી વસ્તુઓના ટેરિફને લઇને દરેક દેશો ગૂચવણમાં છે
હાલના વર્ષોમાં વર્લ્ડ ટ્રેડ ઓર્ગોનાઈઝેશનની વ્યવસ્થા વિચલિત થઈ રહી છે. બધા જ દેશ બીજા દેશોથી આયાત થતી વસ્તુઓના ટેરિફને લઈને ગૂચવણમાં છે જેનું સૌથી મોટુ ઉદાહરણ છે અમેરિકા અને ચીન વચ્ચે ચાલી રહેલ ટ્રે઼ડ વૉર. આ ટ્રેડ વૉરના કારણે દુનિયાભરની અર્થવ્યવસ્થા મુશ્કેલીમાં મુકાઈ છે.
આ પણ વાંચો: ICICI-Videocon બેંક લોન મામલો, પૂછપરછ માટે ED સામે હાજર થયા ચંદા કોચર
ઉલ્લેખનીય છે કે, જૂન 2020માં કઝાકીસ્તાનમાં વર્લ્ડ ટ્રેડ ઓર્ગોનાઈઝેશનનું 12 પ્રધાનોનું સમ્મેલન યોજાવાનું છે જેના કારણે આ બેઠકો તેની તૈયારીઓના ભાગરુપે કરવામાં આવી રહી છે. આ પહેલા 2018માં દિલ્હીમાં પ્રધાનોની 2 દિવસીય મીટિંગ યોજાઈ હતી જેમાં 50 જેટલા દેશોએ આંતરરાષ્ટ્રીય વ્યાપાર વિશે ચર્ચા કરી હતી.