વન-ડે ટાઇટલ કરતાં પણ ટેસ્ટ ચૅમ્પિયનશિપ મોટી ઉપલબ્ધિ છે : પુજારા

Published: Feb 16, 2020, 11:40 IST | New Delhi

ન્યુ ઝીલૅન્ડ ટૂરના અંતિમ તબક્કામાં ભારત ૨૧ ફેબ્રુઆરીથી ટેસ્ટ મૅચ રમશે. આ ટેસ્ટ મૅચ વર્લ્ડ ટેસ્ટ ચૅમ્પિયનશિપના ભાગરૂપે રમાશે.

ચેતેશ્વર પુજારા
ચેતેશ્વર પુજારા

ન્યુ ઝીલૅન્ડ ટૂરના અંતિમ તબક્કામાં ભારત ૨૧ ફેબ્રુઆરીથી ટેસ્ટ મૅચ રમશે. આ ટેસ્ટ મૅચ વર્લ્ડ ટેસ્ટ ચૅમ્પિયનશિપના ભાગરૂપે રમાશે. ટેસ્ટ મૅચના ધુઆંધાર ઇન્ડિયન પ્લેયર ચેતેશ્વર પુજારાનું કહેવું છે કે ટેસ્ટ ચૅમ્પિયનશિપનું ટાઇટલ જીતવું એ વન-ડે અને ટી૨૦ના ટાઇટલ જીતવા કરવા કરતાં મહત્ત્વની વાત છે. આ વિશે પુજારાએ કહ્યું હતું કે ‘જ્યારે તમે ટેસ્ટ ચૅમ્પિયન હો ત્યારે હું કહેવા માગીશ કે તમારે માટે એ ચૅમ્પિયનશિપ વન-ડે અને ટી૨૦ ટાઇટલ કરતાં પણ વધારે મહત્ત્વની થઈ જાય છે. તમે ભૂતકાળના કોઈ પણ મહાન પ્લેયરને અથવા તો અત્યારના કોઈ પણ પ્લેયરને પૂછી જોશો તો એ તમને એમ જ કહેશે કે આ ગેમમાં ટેસ્ટ ક્રિકેટ સૌથી વધારે ચૅલેન્જિંગ છે. તમે જ્યારે ટેસ્ટ ચૅમ્પિયન હો ત્યારે એનાથી વિશેષ કંઈ નથી હોતું.’

ટેસ્ટ ચૅમ્પિયનશિપમાં ટીમ ઇન્ડિયા અત્યાર સુધી કુલ ૭ ટેસ્ટ મૅચ રમી છે અને આ સાતેય ટેસ્ટ મૅચ જીતીને તે ૩૬૦ પૉઇન્ટ્સ સાથે નંબર-વન પર છે. વધુમાં ચેતેશ્વરે કહ્યું હતું કે ‘મોટા ભાગે બધી ટીમ ઘરઆંગણે ટેસ્ટ ક્રિકેટમાં સારી હોય છે, પણ વિદેશની ધરતી પર તેમણે સ્ટ્રગલ કરવી પડે છે. ઇન્ડિયન ટીમ માટે સારી વાત એ છે કે એ વિદેશી ધરતી પર ટેસ્ટ ફૉર્મેટમાં સારું પર્ફોર્મ કરી શકી છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK