રોહિતની કૅપ્ટન્સી પણ ધોની જેવી જ છે : સુરેશ રૈના

Published: May 24, 2020, 13:52 IST | Agencies | New Delhi

સુરેશ રૈનાનું કહેવું છે કે રોહિત શર્મા અને વિરાટ કોહલીની કૅપ્ટન્સી એકબીજાથી ઘણી અલગ છે.

સુરેશ રૈના
સુરેશ રૈના

સુરેશ રૈનાનું કહેવું છે કે રોહિત શર્મા અને વિરાટ કોહલીની કૅપ્ટન્સી એકબીજાથી ઘણી અલગ છે. રૈનાના મતે પ્લેયરોને મોટિવેટ કરવામાં અને પોતે શાંત રહેવામાં રોહિત એકદમ ધોની જેવો છે. વિરાટ કોહલી ઘણો અગ્રેસિવ છે અને મેદાન પર પણ તેનો ગુસ્સો ઘણી વાર જોવા મળે છે. આ વિશે રૈનાએ કહ્યું કે ‘રોહિતની કૅપ્ટન્સી ધોની જેવી જ છે. તે જે રીતે શાંત રહીને પરિસ્થિતિને સંભાળે છે અને પ્લેયરોને મોટિવેટ કરે છે એ લગભગ ધોની જેવું છે. તે બિન્દાસ છે અને જાણે છે કે તે જ્યારે મેદાનમાં જશે ત્યારે રન જરૂરથી બનાવશે. તેની આવી કાર્યપ્રણાલિ તેને અન્ય પ્લેયરોથી જુદો પાડે છે અને તેની એ વાત મને ગમે છે. મેં પુણે સામેની મુંબઈની મૅચ જોઈ હતી. એમાં રોહિતે કૅપ્ટન તરીકે જે બે-ત્રણ પગલાં લીધાં એ કાબિલે તારીફ છે. કપરી પરિસ્થિતિમાં તે વિકેટ અને ઓવર વચ્ચે પોતાની ગેમ રમી જાય છે અને વિરોધી ટીમ પર પ્રેશર બનાવી દે છે. હા, બહારથી ઘણી સલાહ મળતી હોય છે, પણ કૅપ્ટન તરીકે તેને ખબર હોય છે કે કઈ પરિસ્થિતિમાં કેવી રીતે કામ કરવું.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK