મને હાલમાં ટેસ્ટ-કૅપ્ટન્સીનું પ્રેશર નથી જોઈતું : ડિકૉક

Published: Jul 07, 2020, 12:29 IST | Agencies | Johannesburg

સાઉથ આફ્રિકાની ક્રિકેટ ટીમના લિમિટેડ ઓવરના કૅપ્ટન ક્વિન્ટન ડિકૉકનું કહેવું છે કે હું હાલમાં ટેસ્ટ-કૅપ્ટન્સીનું પ્રેશર લેવા નથી ઇચ્છતો.

ક્વિન્ટન ડિકૉક
ક્વિન્ટન ડિકૉક

સાઉથ આફ્રિકાની ક્રિકેટ ટીમના લિમિટેડ ઓવરના કૅપ્ટન ક્વિન્ટન ડિકૉકનું કહેવું છે કે હું હાલમાં ટેસ્ટ-કૅપ્ટન્સીનું પ્રેશર લેવા નથી ઇચ્છતો. આ વર્ષની શરૂઆતમાં જ ફૅફ ડુ પ્લેસિસની જગ્યાએ ક્વિન્ટન ડિકૉકને લિમિટેડ ઓવર્સમાં કૅપ્ટન બનાવવામાં આવ્યો હતો. જોકે ત્યાર બાદ એવી જાહેરાત કરવામાં આવી હતી કે હું ટેસ્ટ-કૅપ્ટન્સી નહીં કરું. આ વિશે તેણે તેના હેડ-કોચ માર્ક બાઉચર સાથે ચર્ચા કરી હતી. આ વિશે વાત કરતાં ડિકૉકે કહ્યું કે ‘મેં અને બાઉચરે આ વિશે ચર્ચા પણ કરી હતી. મેં તેને કહ્યું હતું કે મને નથી ખબર હું ટેસ્ટ-કૅપ્ટન્સીને લઈને શું ફીલ કરી રહ્યો છું. રિયલિટી એ છે કે મારા માટે આ બધું હૅન્ડલ કરવું ખૂબ મુશ્કેલ છે. હું એ જાણું છું અને મને એ રિયલાઇઝ પણ થયું છે. મને આવો બધો સ્ટ્રેસ હાલમાં નથી જોઈતો. મને કિલોમીટર દૂરથી દેખાય છે કે આ બધું મને હાલમાં મારા ખભા પર નથી જોઈતું. હું કોઈ એક્સ્ટ્રા પ્રેશર હાલમાં લેવા નથી માગતો.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK