મઝહરના ભાઈ અઝહરે ત્રણ પાકિસ્તાનીઓ પર ફિક્સિંગની જાળ બિછાવેલી

Published: 20th October, 2011 16:46 IST

લંડન: ગયા વર્ષના સ્પૉટ-ફિક્સિંગના બનાવ પર લંડનની કોર્ટમાં જે મુકદ્મો ચાલી રહ્યો છે એની સુનાવણીમાં એવી વાત બહાર આવી હતી કે પ્લેયરોના એજન્ટ અને ફિક્સર મઝહર માજિદનો મોટો ભાઈ અઝહર માજિદ પણ ફિક્સિંગમાં સામેલ હતો.

ગયા વર્ષે પાકિસ્તાની ટીમ લંડનમાં હતી ત્યારે ટીમ-મૅનેજમેન્ટે પાકિસ્તાની ટીમના બધા પ્લેયરોને તેમની રૉયલ ગાર્ડન હોટેલમાં પોતાના રૂમમાં નહીં પણ હોટેલની લૉબીમાં જ મઝહર કે અઝહર સાથે ચર્ચા કરવાની સૂચના આપી હતી. જોકે અઝહર ટેસ્ટમૅચ દરમ્યાન એક દિવસની રમત પછી સાંજે પેસબોલર વહાબ રિયાઝના રૂમમાં પહોંચી ગયો હતો. ત્યારે એ રૂમમાં સલમાન બટ અને કામરાન અકમલ પણ હતા અને તેમની વચ્ચે મધરાત સુધી મીટિંગ ચાલી હતી. એ મીટિંગ દરમ્યાન અઝહરે તેના નાના ભાઈ મઝહરને વારંવાર એસએમએસ પણ મોકલ્યા હોવાનું કોર્ટને ‘ન્યુઝ ઑફ ધ વલ્ર્ડ’ સાપ્તાહિકના રિપોર્ટર દ્વારા હાથ ધરવામાં આવેલા સ્ટિંગ-ઑપરેશનની વિગતો પરથી જાણવા મળ્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK