સચિનને અવૉર્ડ ન આપવો જોઈએ : હેડન

Published: 20th October, 2012 06:48 IST

ઑસ્ટ્રેલિયાનાં વડાં પ્રધાન જુલિયા ગિલાર્ડે થોડા દિવસ પહેલાં સચિન તેન્ડુલકરને પોતાનાં દેશનો ઑર્ડર ઑફ ઑસ્ટ્રેલિયા નામનો પ્રતિષ્ઠિત પુરસ્કાર આપવાની જાહેરાત કરી એના પ્રત્યાઘાતમાં ઑસ્ટ્રેલિયાની પ્રજાએ તેમ જ સંસદના એક અપક્ષ મેમ્બરે વિરોધ વ્યક્ત કર્યો ત્યાર પછી હવે ભૂતપૂર્વ ઑસ્ટ્રેલિયન પ્લેયર મૅથ્યુ હેડને પણ એવું જ મંતવ્ય આપ્યું છે.



સચિન ઑર્ડર ઑફ ઑસ્ટ્રેલિયાની મેમ્બરશિપ મેળવનાર ભૂતપૂર્વ ઍટર્ની-જનરલ સોલી સોરાબજી પછીનો બીજો ભારતીય બનશે. જોકે ઑસ્ટ્રેલિયા સાથેના રાજદ્વારી સંબંધો મજબૂત કરવામાં યોગદાન આપી ચૂકેલા વેસ્ટ ઇન્ડીઝના ભૂતપૂર્વ ક્રિકેટરો ગૅરી સોબર્સ, ક્લાઇવ લૉઇડ અને બ્રાયન લારા પણ આ પુરસ્કારથી સન્માનિત થઈ ચૂક્યા છે.

હેડને ગઈ કાલે મેલબર્નમાં એક રેડિયો શો પર કહ્યું હતું કે ‘ઑર્ડર ઑફ ઑસ્ટ્રેલિયા અવૉર્ડ ઑસ્ટ્રેલિયન નાગરિક હોય એવી જ વ્યક્તિને મળવો જોઈએ. સચિન ઑસ્ટ્રેલિયામાં રહેતો હોત અને તો વડાં પ્રધાને તેને આ પુરસ્કારથી સન્માનિત કરવાનો નિર્ણય લીધો હોત તો કાંઈ ખોટું ન કહેવાત, પરંતુ સચિન ભારતમાં રહે છે અને તેને ઑસ્ટ્રેલિયાનો પુરસ્કાર આપવો એ મારી દૃષ્ટિએ યોગ્ય ન કહેવાય.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK