પહેલી વાર ઇંગ્લૅન્ડમાં કોઈએ મને ગાળ નથી આપી : ડેવિડ વૉર્નર
ડેવિડ વૉર્નર
ઇંગ્લૅન્ડ-ઑસ્ટ્રેલિયા વચ્ચે રમાયેલી પહેલી ટી૨૦ બાદ ઑસ્ટ્રેલિયન ક્રિકેટ ટીમના ઓપનર ડેવિડ વૉર્નરે કહ્યું કે કદાચ પહેલી વાર ઇંગ્લૅન્ડમાં કોઈએ મને ગાળો નથી આપી. આ વિશે વિગતવાર વાત કરતાં ડેવિડે કહ્યું કે ‘ઇંગ્લૅન્ડમાં કદાચ પહેલી વાર એવું બન્યું છે કે કોઈએ મને ગાળો નથી આપી. મારા માટે આ સારી વાત છે. તમને આ નિંદા ગમે ત્યાંથી મળી શકે છે. ઘરઆંગણે અને બહાર રમવાનું અમે બધા પસંદ કરીએ છીએ અને મોટા ભાગે ઘરઆંગણે રમવાની એક અલગ જ મજા હોય છે અને એના ફાયદા અને ગેરફાયદા હોય છે. ઇન્ટરનૅશનલ ક્રિકેટ માટે અમે હંમેશાં અલગ પ્રકારની તૈયારી કરતા હોઈએ છીએ અને અહીં આવીને ફરીથી રમવાનું ઘણું ગમ્યું.’
