વન-સાઇડેડ મૅચમાં સિડની સિક્સર્સ જીતી ગયું : પૉઇન્ટ્સ-ટેબલમાં મોખરે
ADVERTISEMENT
કેપ ટાઉન: ચૅમ્પિયન્સ લીગમાં ગઈ કાલની ગ્રુપ ‘બી’ની પ્રથમ મૅચમાં સિડની સિક્સર્સે સતત બીજી મૅચ જીતી લીધી હતી. મૅન ઑફ ધ મૅચ બ્રૅડ હૅડિન (બે કૅચ તેમ જ ૪૧ રન, ૨૧ બૉલ, ૮ ફોર)ની કૅપ્ટન્સીવાળી આ ટીમે વન-સાઇડેડ બનેલી મૅચમાં યૉર્કશરને ૬૭ બૉલ બાકી રાખીને ૮ વિકેટે હાર આપી હતી.
યૉર્કશરે ૯ વિકેટે માત્ર ૬૯ રન બનાવ્યા હતા. સિડની સિક્સર્સના મિચલ સ્ટાર્કે ત્રણ તેમ જ પૅટ ક્યુમિન્સ તથા શેન વૉટ્સને બે-બે વિકેટ લીધી હતી. સિડની સિક્સર્સે ૮.૫ ઓવરમાં માત્ર વૉટ્સન (૧૧ રન, ૬ બૉલ, એક સિક્સર, એક ફોર) અને હૅડિનની વિકેટના ભોગે ૯૮ રન બનાવી લીધા હતા. માઇકલ લમ્બ (૪૩ નૉટઆઉટ, ૨૪ બૉલ, આઠ ફોર)ના ઇન્ડિવિજ્યુઅલ રન આખી મૅચમાં હાઇએસ્ટ હતા.
આ સાથે પૉઇન્ટ્સ-ટેબલમાં સિડની સિક્સર્સના સૌથી વધુ ૮ પૉઇન્ટ હતા અને ૩.૧૪૦નો સૌથી સારો રનરેટ હતો.