સંગ્રામ સિંહે કહ્યું, "જ્યારે પણ હું કેજમાં પગ મૂકું છું, ત્યારે હું ફક્ત મારા માટે જ નહીં, પરંતુ 1.45 અબજ ભારતીયો માટે લડું છું. ભારત-વિરુદ્ધ-પાકિસ્તાન સ્પર્ધા હંમેશા ખાસ હોય છે. મેં મારા પ્રતિસ્પર્ધી પ્રત્યે ખૂબ જ આદર અને શિસ્ત સાથે તાલીમ લીધી છે."
સંગ્રામ સિંહ
ભારતીય કુસ્તીના દિગ્ગજ અને અપરાજિત મિક્સ્ડ માર્શલ આર્ટ્સ (MMA) ફાઇટર સંગ્રામ સિંહ 19 જુલાઈના રોજ મલેશિયાના કુઆલાલંપુરમાં પાકિસ્તાનના આબિદ અલી સામે એશિયા ચૅમ્પિયન ટાઇટલ માટે સ્પર્ધા કરવા માટે તૈયાર છે. નવી દિલ્હીની લલિત હૉ ટેલમાં આયોજિત પ્રી-ફાઇટ પ્રેસ કોન્ફરન્સમાં બોલતા, તેણે જણાવ્યું હતું કે તેનો ધ્યેય આંતરરાષ્ટ્રીય મંચ પર ભારતીય ત્રિરંગો ઉંચો લહેરાતો જોવાનો છે. આ કાર્યક્રમમાં PMMA મલેશિયાના પ્રમુખ ઇસ્માઇલ માર્ઝુકી બિન, CEO મોહમ્મદ હકીમ બિન લુકમાન અબ્દુલ્લા, આયોજન સમિતિના સભ્યો, સંગ્રામની કોચિંગ ટીમ અને મીડિયા પ્રતિનિધિઓ હાજર હતા. મુકાબલાનો વિજેતા એશિયા ચેમ્પિયન ટાઇટલનો દાવો કરશે.
સંગ્રામની અપરાજિત રેકોર્ડ સાથે એન્ટ્રી
ADVERTISEMENT
બે વખતના કૉમનવેલ્થ હૅવીવેઇટ રૅસલિંગ ચૅમ્પિયન સંગ્રામ સિંહનો કમર્શિયલ MMA રૅકોર્ડ 3-0 છે. તેણે 90 સૅકન્ડમાં જ્યોર્જિયામાં પાકિસ્તાનના અલી રઝા નાસિરને હરાવીને પોતાની સફર શરૂ કરી હતી. ત્યારબાદ, તેણે નૅધરલૅન્ડ્સમાં હાકીમ ટ્રાબેલ્સી અને આર્જેન્ટિનામાં ફ્રાન્સના ફ્લોરિયન ક્વોડિયરને હટાવ્યો. તે આર્જેન્ટિનામાં કમર્શિયલ MMA બાઉટ જીતનાર પ્રથમ ભારતીય પણ બન્યો.
ભારત માટે લડવાનો સંકલ્પ
સંગ્રામ સિંહે કહ્યું, "જ્યારે પણ હું કેજમાં પગ મૂકું છું, ત્યારે હું ફક્ત મારા માટે જ નહીં, પરંતુ 1.45 અબજ ભારતીયો માટે લડું છું. ભારત-વિરુદ્ધ-પાકિસ્તાન સ્પર્ધા હંમેશા ખાસ હોય છે. મેં મારા પ્રતિસ્પર્ધી પ્રત્યે ખૂબ જ આદર અને શિસ્ત સાથે તાલીમ લીધી છે, પરંતુ એકવાર કેજ નો દરવાજો બંધ થઈ જાય, પછી મારું એકમાત્ર ધ્યેય ભારતીય ધ્વજને ઊંચો લહેરાતો જોવાનું રહેશે. હું માનું છું કે ફિટનેસ, સમર્પણ અને માનસિક શક્તિ એથ્લીટના સૌથી મોટા શસ્ત્રો છે." સ્પોર્ટ્સ ઓથોરિટી ઓફ ઇન્ડિયા (SAI) ના ડૅપ્યુટી ડાયરેક્ટર જનરલ મયંક શ્રીવાસ્તવ (IPS) એ કહ્યું, "સંગ્રામ સિંહ શિસ્ત, નિશ્ચય અને શ્રેષ્ઠતાનું પ્રતીક છે. તેની યાત્રા યુવાનો માટે પ્રેરણાદાયક છે, અને અમને વિશ્વાસ છે કે તે આ ચૅમ્પિયનશિપમાં દેશનું મજબૂત પ્રતિનિધિત્વ કરશે." સંગ્રામે આગળ કહ્યું, "લોકોએ 40 વર્ષની ઉંમર પછી MMA લેવાના મારા નિર્ણય પર સવાલ ઉઠાવ્યા હતા, પરંતુ હું સાબિત કરવા માગતો હતો કે જુસ્સો કોઈ ઉંમર જાણતો નથી. મારો ધ્યેય ફક્ત ટાઇટલ જીતવાનો નથી, પરંતુ યુવાનોને ફિટનેસ, શિસ્ત અને રમતગમત અપનાવવા માટે પ્રેરણા આપવાનો પણ છે." કોચ ભૂપેશ કુમારે કહ્યું, "સંગ્રામે તેની તૈયારીમાં કોઈ કસર છોડી નથી. અમે આબિદ અલીનું સન્માન કરીએ છીએ, પરંતુ સંગ્રામ ભારત માટે વધુ એક શાનદાર પ્રદર્શન કરવા માટે તૈયાર છે." PMMA ના પ્રમુખ ઇસ્માઇલ માર્ઝુકી બિન અને CEO મોહમ્મદ હકીમ બિન લુકમાન અબ્દુલ્લાએ જણાવ્યું હતું કે આ ચૅમ્પિયનશિપ MMA ને એશિયામાં એક નવી ઓળખ આપશે અને રમત દ્વારા રાષ્ટ્રો વચ્ચે એકતા મજબૂત કરશે.
