Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > અન્ય સ્પોર્ટ્સ > આર્ટિકલ્સ > કૅનેડાની ધરતી પર પહેલી વાર રમી રહેલો મેસી ઈજા થઈ હોવા છતાં આખી મૅચ રમ્યો

કૅનેડાની ધરતી પર પહેલી વાર રમી રહેલો મેસી ઈજા થઈ હોવા છતાં આખી મૅચ રમ્યો

13 May, 2024 07:28 AM IST | Mumbai
Gujarati Mid-day Correspondent | feedbackgmd@mid-day.com

મૉન્ટ્રિયલ સામેની મૅચના પ્રથમ હાફમાં ઘૂંટણમાં ઈજા થઈ હોવા છતાં ૩૬ વર્ષના મેસીએ આખી મૅચમાં ટીમને સાથ આપ્યો હતો

લિયોનેલ મેસી

લિયોનેલ મેસી


ટ્રોલિંગ કે ઈજા જેવી સમસ્યાનો સામનો કર્યા છતાં ખેલાડીઓ મેદાન પર પોતાની ટીમ માટે સતત સારું પ્રદર્શન કરે છે અને ઇતિહાસ રચે છે. ક્રિકેટના મેદાન પર માંસપેશીમાં પીડા થતી હોવા છતાં મહેન્દ્ર સિંહ ધોની ચેન્નઈ સુપર કિંગ્સ તરફથી IPLમાં રમી રહ્યો છે, તો બીજી તરફ ફુટબૉલના મેદાન પર ઈજાગ્રસ્ત હોવા છતાં લિયોનેલ મેસી પોતાની ક્લબને જિતાડવામાં મદદ કરી રહ્યો હતો. 
ગઈ કાલે અમેરિકાની મેજર સૉકર લીગમાં ઈજાગ્રસ્ત હોવા છતાં સ્ટાર ફુટબૉલર મેસીએ પોતાની ટીમ ઇન્ટર માયામીને સતત પાંચમી જીત અપાવી હતી. મૉન્ટ્રિયલ સામેની મૅચના પ્રથમ હાફમાં ઘૂંટણમાં ઈજા થઈ હોવા છતાં ૩૬ વર્ષના મેસીએ આખી મૅચમાં ટીમને સાથ આપ્યો હતો. કૅનેડામાં પહેલી વાર ફુટબૉલ રમી રહેલા મેસીએ મેડિકલ સ્ટાફ પાસે બે મિનિટની સારવાર લઈને દુખાવો થતો હોવા છતાં મેદાન પર ઝડપથી વાપસી કરી હતી. ઇન્ટર માયામીએ મૉન્ટ્રિયલ ક્લબ સામે ૩-૨ના સ્કોરથી જીત મેળવી હતી. ૨૦૨૩માં ઇન્ટર માયામી સાથે જોડાનાર મેસીએ આ ક્લબ માટે ૨૫ મૅચમાં ૨૩ ગોલ કર્યા છે. 


Whatsapp-channel Whatsapp-channel

13 May, 2024 07:28 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK