Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > અન્ય સ્પોર્ટ્સ > આર્ટિકલ્સ > ઘાયલ જૉકોવિચ જીત્યો : સાનિયા-બોપન્નાની જોડી પણ મિક્સ્ડ-ડબલ્સની ક્વૉર્ટર ફાઇનલમાં

ઘાયલ જૉકોવિચ જીત્યો : સાનિયા-બોપન્નાની જોડી પણ મિક્સ્ડ-ડબલ્સની ક્વૉર્ટર ફાઇનલમાં

24 January, 2023 12:09 PM IST | New Delhi
Gujarati Mid-day Correspondent | feedbackgmd@mid-day.com

ગઈ કાલે તે ડાબી સાથળમાં પટ્ટો પહેરીને રમ્યો હતો અને ઑસ્ટ્રેલિયાના ઍલેક્સ ડિમિનૉરને ૬-૨, ૬-૧, ૬-૨થી હરાવ્યો હતો.

સાનિયા મિર્ઝા અને નોવાક જૉકોવિચ Australian Open

સાનિયા મિર્ઝા અને નોવાક જૉકોવિચ


ઑસ્ટ્રેલિયન ઓપનમાં સર્બિયાનો ૩૫ વર્ષીય નોવાક જૉકોવિચ સિંગલ્સનાં સૌથી વધુ ૯ ટાઇટલ જીત્યો છે અને તે હવે ૧૦મી ટ્રોફીની નજીક પહોંચી રહ્યો છે. ગઈ કાલે તે ડાબી સાથળમાં પટ્ટો પહેરીને રમ્યો હતો અને ઑસ્ટ્રેલિયાના ઍલેક્સ ડિમિનૉરને ૬-૨, ૬-૧, ૬-૨થી હરાવ્યો હતો. જૉકોવિચ હવે ક્વૉર્ટર ફાઇનલમાં રશિયાના ઑન્ડ્રે રુબ્લેવ સામે રમશે. જૉકોવિચ આ સ્પર્ધામાં ફોર્થ-સીડેડ છે અને હવે તેની સામે રમનાર ફિફ્થ-સીડેડ રુબ્લેવે પ્રી-ક્વૉર્ટરમાં ડેન્માર્કના ટીનેજર હૉલ્ગર રુનને હરાવી દીધો હતો.

મહિલાઓમાં વધુ સીડેડ પ્લેયર્સ આઉટ



મહિલાઓમાં વર્લ્ડ નંબર-વન ઇગા સ્વૉનટેક અને નંબર-ટુ ઑન્સ જૅબર આ સ્પર્ધાની બહાર થઈ ચૂકી છે અને બાકી રહેલી ટોચની પ્લેયર્સમાં થર્ડ-સીડેડ જેસિકા પેગુલા હા​ઇએસ્ટ રૅન્ક્ડ પ્લેયર છે. ફોર્થ-સીડેડ કૅરોલિન ગાર્સિયા ગઈ કાલે ૩૦ વર્ષની ઉંમરની અને વિશ્વમાં ૪૫મી રૅન્ક ધરાવતી પોલૅન્ડની મૅગ્ડા લિનેટ સામે ૩-૭, ૪-૬થી હારી ગઈ હતી, પરંતુ ફિફ્થ-સીડેડ અરીના સબાલેન્કાએ બેલિન્ડા બેન્સિકને ૭-૫, ૬-૨થી હરાવીને ક્વૉર્ટર ફાઇનલમાં એન્ટ્રી કરી હતી.


સાનિયા-બોપન્ના જીતીને લાસ્ટ-એઇટમાં

ભારતની ટોચની ટેનિસ પ્લેયર સાનિયા મિર્ઝા છેલ્લી ગ્રૅન્ડ સ્લૅમ ટુર્નામેન્ટ રમી રહી છે અને એમાં તે તથા રોહન બોપન્ના ગઈ કાલે જીતી હતી. તેમણે મિક્સ્ડ-ડબલ્સમાં જપાનની મૅકોટો નિનોમિયા અને ઉરુગ્વેના ઍરિયલ બેહરને ૬-૪, ૧૧-૯થી હરાવીને ક્વૉર્ટર ફાઇનલમાં એન્ટ્રી કરી હતી, જેમાં તેઓ યેલેના ઑસ્ટાપેન્કો અને ડેવિડ હર્નાન્ડેઝ સામે રમશે. સાનિયા ફેબ્રુઆરીમાં દુબઈની ચૅમ્પિયનશિપમાં રમીને કરીઅર પર પડદો પાડી દેશે.


Whatsapp-channel Whatsapp-channel

24 January, 2023 12:09 PM IST | New Delhi | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK