° °

આજનું ઇ-પેપર
Saturday, 25 March, 2023


ડોપિંગ ટેસ્ટમાં ફેલ થનાર જિમ્નૅસ્ટ દીપા પર ૨૧ મહિનાનો પ્રતિબંધ

05 February, 2023 11:10 AM IST | Mumbai
Gujarati Mid-day Correspondent | feedbackgmd@mid-day.com

દીપા કર્માકરની ટેસ્ટ ઇન્ટરનૅશનલ જિમ્નૅસ્ટિક્સ ફેડરેશન માટે કામ કરતી ઇન્ટરનૅશનલ ટેસ્ટિંગ એજન્સી દ્વારા ૨૦૨૧ની ૧૧ ઑક્ટોબરના રોજ કરવામાં આવી હતી

દીપા કર્માકર

દીપા કર્માકર

પ્રતિબંધિત દવાના સેવન બદલ ૨૧ મહિનાના પ્રતિબંધનો સામનો કરી રહેલી જિમ્નૅસ્ટ દીપા કર્માકરે કહ્યું હતું કે તેના પર મૂકવામાં આવેલા પ્રતિબંધના કેસનો ઝડપથી ઉકેલ આવે એ માટે મેં આ કામચલાઉ પ્રતિબંધનો સ્વીકાર કર્યો છે. જોકે દીપાએ એવો દાવો કર્યો હતો કે તેણે હિજેનામાઇનલ-એસ૩ બીટા-૨ નામની પ્રતિબંધિત દવાનું સેવન અજાણતાં કર્યું હતું, જે તેની ડોપ-ટેસ્ટમાં મળી આવ્યું હતું. ઇન્ટરનૅશનલ ફેડરેશન સાથેના કેસનો નિકાલ આવે એ માટે તેણે ડોપિંગના નિયમોનું ઉલ્લંઘન કર્યાનો સ્વીકાર કર્યો હતો. આ વાત તેણે પોતાના ટ‍્વિટર હૅન્ડલમાં કરી છે.

દીપા કર્માકરની ટેસ્ટ ઇન્ટરનૅશનલ જિમ્નૅસ્ટિક્સ ફેડરેશન માટે કામ કરતી ઇન્ટરનૅશનલ ટેસ્ટિંગ એજન્સી દ્વારા ૨૦૨૧ની ૧૧ ઑક્ટોબરના રોજ કરવામાં આવી હતી. ઍન્ટિ-ડોપિંગ એજન્સી દ્વારા જણાવાયું હતું કે કેટલી પરંપરાગત દવાઓમાં આ પ્રતિબંધિત દવાનો ઉપયોગ એના નામના ઉલ્લેખ વગર જ કરવામાં આવતો હોય છે. આ દવાનો ઉપયોગ સ્પર્ધામાં અને સ્પર્ધા ન હોય એવા સમયે પણ પ્રતિબંધિત છે. ૨૯ વર્ષની દીપાએ ૨૦૧૬ના રિયો ઑલિમ્પિક વોલ્ટ ઇવેન્ટમાં ચોથો ક્રમાંક મેળવીને ઘણી ખ્યાતિ પ્રાપ્ત કરી હતી. ૨૦૧૭માં તેણે એક સર્જરી કરાવી હતી, ત્યાર બાદ તેેણે ઘણી ઈજાઓ સાથે સંઘર્ષ કર્યો હતો. તેની છેલ્લી ઇવેન્ટ ૨૦૧૯માં બાકનો વર્લ્ડ કપ હતો. તેના પર મૂકવામાં આવેલો પ્રતિબંધ આ વર્ષે ૧૦ જુલાઈના રોજ પૂરો થશે. ૧૧ ઑક્ટોબરથી તેના પર પ્રતિબંધ મૂકવામાં આવ્યો છે. ડોપિ‍ંગ-કેસ સામેની લડાઈને દીપાએ તેના જીવનની સૌથી અઘરી લડાઈ ગણાવી હતી. તેણે કહ્યું હતું કે ‘મને એ પણ ખબર નહોતી કે આ પ્રતિબંધિત ડ્રગ મારા શરીરમાં કઈ રીતે પ્રવેશ્યું. મેં ૨૦૧૭ અને ૨૦૧૯માં બે સર્જરી કરાવી હતી. હું મેદાન પર મજબૂત રીતે પાછી ફરવા માગું છું.’  

05 February, 2023 11:10 AM IST | Mumbai | Gujarati Mid-day Correspondent

અન્ય લેખો

અન્ય સ્પોર્ટ્સ

News In Short: રોનાલ્ડોનો ૧૯૭ ઇન્ટરનૅશનલ મૅચ રમવાનો વિશ્વવિક્રમ

લિસ્બનમાં ગુરુવારે તે ૧૯૭મી મૅચ રમ્યો હતો અને એ સાથે તેણે કુવૈતના બાડેર અલ-મુતાવાનો ૧૯૬ મૅચનો વર્લ્ડ રેકૉર્ડ તોડી નાખ્યો હતો

25 March, 2023 06:58 IST | Mumbai | Gujarati Mid-day Correspondent
અન્ય સ્પોર્ટ્સ

મેસી મેનિયા : ૮૦૦મો ગોલ અને ૮૩,૦૦૦ પ્રેક્ષકો વચ્ચે વર્લ્ડ કપનું સેલિબ્રેશન

વિજય એક, કપ અનેક : વર્લ્ડ ચૅમ્પિયન કૅપ્ટન મેસી ‘સાતમા આસમાને’

25 March, 2023 06:51 IST | Mumbai | Gujarati Mid-day Correspondent
અન્ય સ્પોર્ટ્સ

ન્યુઝ શોર્ટમાં : રિધમ અને તોમરની જોડી શૂટિંગના વર્લ્ડ કપમાં જીતી સિલ્વર

મુંબઈ મૅરથૉને ૪૦.૬૮ કરોડ એકઠા કર્યા અને વધુ સમાચાર

24 March, 2023 01:26 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK