Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > ડબ્લ્યુપીએલ : ગુજરાત જાયન્ટ્સ અને મુંબઈ ઈન્ડિયન્સમાં આજે મુકાબલો

ડબ્લ્યુપીએલ : ગુજરાત જાયન્ટ્સ અને મુંબઈ ઈન્ડિયન્સમાં આજે મુકાબલો

25 February, 2024 09:25 AM IST | Mumbai
Gujarati Mid-day Correspondent | feedbackgmd@mid-day.com

વાઇસ કૅપ્ટન સ્નેહ રાણાએ જણાવ્યું કે ‘અમારો અત્યાર સુધીનો અનુભવ ઘણો શાનદાર રહ્યો છે`

ગુજરાત જાયન્ટ્સ ટીમ આજે ડિફેન્ડિંગ ચૅમ્પિયન મુંબઈ ઇન્ડિયન્સ

ગુજરાત જાયન્ટ્સ ટીમ આજે ડિફેન્ડિંગ ચૅમ્પિયન મુંબઈ ઇન્ડિયન્સ


વિમેન્સ પ્રીમિયર લીગ (ડબ્લ્યુપીએલ)ની બીજી સીઝનનો પ્રારંભ થઈ ચૂક્યો છે અને લોકપ્રિય ટીમમાંની એક એવી ગુજરાત જાયન્ટ્સ ટીમ આજે ડિફેન્ડિંગ ચૅમ્પિયન મુંબઈ ઇન્ડિયન્સ સામે પ્રારંભિક મૅચ રમવા તૈયાર છે. પ્રથમ મૅચ અગાઉ હેડ કોચ માઇકલ ક્લિંગર, મેન્ટર અને સલાહકાર મિતાલી રાજ, કૅપ્ટન મૂની તથા વાઇસ કૅપ્ટન સ્નેહ રાણાએ સીઝનની તૈયારીના મુદ્દે વિસ્તૃત ચર્ચા કરી હતી. કૅપ્ટન બેથ મૂનીએ કહ્યું કે છેલ્લા અમુક સમયથી સાથે હોવાને કારણે ગ્રુપમાં એક અલગ પ્રકારનો માહોલ જોવા મળી રહ્યો છે. અમુક સપ્તાહ દરમ્યાન અમે અમુક બાબતો પર કામ કર્યું છે અને એનાં સારાં પરિણામ મળ્યાં છે. પ્રથમ ગેમ માટે ઘણી અપેક્ષા છે અને હું જાણું છું કે મેદાનમાં ઊતરનાર ૧૧ ખેલાડીઓ એનો લાભ ઉઠાવશે અને પોતાનું શ્રેષ્ઠ પ્રદર્શન કરશે.

વાઇસ કૅપ્ટન સ્નેહ રાણાએ જણાવ્યું કે ‘અમારો અત્યાર સુધીનો અનુભવ ઘણો શાનદાર રહ્યો છે અને ફ્રૅન્ચાઇઝીએ ખેલાડીઓને જરૂરી તમામ સપોર્ટ આપ્યો છે. ટીમમાં સકારાત્મક મૂડ જોવા મળી રહ્યો છે. અમે સારી તૈયારી કરી છે અને આશા છે કે ટુર્નામેન્ટમાં જીત સાથે પ્રારંભ કરીશું. મુંબઈ ઇન્ડિયન્સ અને ગુજરાત જાયન્ટ્સ વચ્ચે પ્રથમ સીઝનમાં બે મૅચ રમાઈ હતી અને બન્ને મૅચમાં હરમનપ્રીતની ટીમ વિજયી રહી હતી. ગુજરાત જાયન્ટ્સની ટીમ ડબ્લ્યુપીએલના ઇતિહાસમાં પ્રથમ વાર મુંબઈ ઈન્ડિયન્સ સામે જીતવાના ઇરાદાથી ઊતરશે. 


Whatsapp-channel Whatsapp-channel

25 February, 2024 09:25 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK