સાઉથ આફ્રિકા અહીં પોતાની ત્રણેય T20 મૅચ જીત્યું છે. ઝિમ્બાબ્વે દિલ્હીમાં પહેલી વખત T20 મૅચ રમશે. તેઓ અહીં ૧૯૯૩થી ૨૦૦૨ દરમ્યાન એક વન-ડે અને ૩ ટેસ્ટ-મૅચ રમ્યા હતા અને હાર્યા હતા.
સાઉથ આફ્રિકાનો કૅપ્ટન એઇડન માર્કરમ અને ઝિમ્બાબ્વેનો કૅપ્ટન સિકંદર રઝા
આજે બપોરે ૩ વાગ્યે દિલ્હીના અરુણ જેટલી સ્ટેડિયમમાં T20 વર્લ્ડ કપ 2026ની એકાવનમી મૅચ રમાશે. સાઉથ આફ્રિકા અને ઝિમ્બાબ્વે સુપર 8 રાઉન્ડમાં પોતાની અંતિમ મૅચ રમશે. T20 વર્લ્ડ કપ 2026ની એકમાત્ર અજેય ટીમ સાઉથ આફ્રિકા માટે આ સેમી-ફાઇનલની વૉર્મ-અપ સમાન મૅચ હશે. ઝિમ્બાબ્વેની ટીમ જીત સાથે પોતાના અભિયાનનો અંત કરવાનું લક્ષ્ય રાખશે. સુપર 8માં સતત ૨૫૦+ રન આપીને ઝિમ્બાબ્વેની ટીમ પોતાની બન્ને મૅચ હારી હતી.
આ બન્ને ટીમ સામસામે ૮ T20 મૅચ રમી છે એમાંથી ૭ મૅચ સાઉથ આફ્રિકાએ જીતી છે અને એક મૅચ નો-રિઝલ્ટ રહી હતી. બન્ને ટીમ T20 વર્લ્ડ કપમાં બે વખત ટકરાઈ છે. એમાંથી ૨૦૧૨ની મૅચ સાઉથ આફ્રિકાએ ૧૦ વિકેટે જીતી હતી જ્યારે ૨૦૨૨ની મૅચ નો-રિઝલ્ટ રહી હતી. દિલ્હીમાં બન્ને ટીમની આ પહેલી T20 ટક્કર બનશે. સાઉથ આફ્રિકા અહીં પોતાની ત્રણેય T20 મૅચ જીત્યું છે. ઝિમ્બાબ્વે દિલ્હીમાં પહેલી વખત T20 મૅચ રમશે. તેઓ અહીં ૧૯૯૩થી ૨૦૦૨ દરમ્યાન એક વન-ડે અને ૩ ટેસ્ટ-મૅચ રમ્યા હતા અને હાર્યા હતા.
