° °

આજનું ઇ-પેપર
Sunday, 03 July, 2022


મેઘરાજાએ મજા બગાડી : પંતે પાંચેપાંચ ટૉસ હારી ગયા પછી ટ્રોફી શૅર કરવી પડી

20 June, 2022 12:10 PM IST | Mumbai
Gujarati Mid-day Correspondent | feedbackgmd@mid-day.com

માત્ર ૨૧ બૉલ ફેંકાયા બાદ મૅચ રદ કરાઈ હતી

ગઈ કાલે મેઘરાજાએ કરોડો ક્રિકેટપ્રેમીઓની મજા બગાડી નાખી હતી IND vs SA

ગઈ કાલે મેઘરાજાએ કરોડો ક્રિકેટપ્રેમીઓની મજા બગાડી નાખી હતી

બૅન્ગલોરમાં બે-ત્રણ દિવસથી વાદળિયું હવામાન હતું જ અને થોડા વરસાદ બાદ ગઈ કાલે મેઘરાજાએ કરોડો ક્રિકેટપ્રેમીઓની મજા બગાડી નાખી હતી. માત્ર ૨૧ બૉલ ફેંકાયા બાદ મૅચ રદ કરાઈ હતી. શ્રીલંકા સામેની ટી૨૦ સિરીઝમાં પંતની પલ્ટને ૦-૨થી પાછળ રહ્યા બાદ પલટવાર કરીને પછીની બે મૅચ જીતીને શ્રેણી ૨-૨થી બરોબરીમાં કરી લીધી હતી. ગઈ કાલે પંતને પોતાની કૅપ્ટન્સી હેઠળની સૌથી પહેલી સિરીઝ જીતવાનો સારો મોકો હતો, પણ બાજી બગડી ગઈ હતી.

પંત એક તો તમામ પાંચેપાંચ મૅચમાં ટૉસ હાર્યો હતો અને ભારતે પાંચ મૅચમાં પ્રથમ બૅટિંગ કરવાનું આવ્યું હતું. ગઈ કાલે ભારતે વરસાદના વિઘ્ન બાદ ૧૯-૧૯ ઓવરની મૅચમાં શરૂઆત ખરાબ કરી હતી, કારણ કે વરસાદને કારણે રમત અટકી ત્યારે ભારતનો સ્કોર બે વિકેટે ૨૮ રન હતો. ઈશાન કિશન ૨૦ રનના ટીમ-સ્કોરે ૧૫ રને લુન્ગી ઍન્ગિડીના બૉલમાં ક્લીન બોલ્ડ થયા પછી ઋતુરાજ ગાયકવાડ ૨૭મા રને ૧૦ રનના વ્યક્તિગત સ્કોર પર ઍન્ગિડીના જ બૉલમાં પ્રિટોરિયસના હાથમાં કૅચઆઉટ થતાં ફરી ફ્લૉપ ગયો હતો. શ્રેયસ ઐયર ઝીરો પર અને રિષભ પંત ૧ રને રમી રહ્યા હતા ત્યારે વરસાદ શરૂ થયા બાદ એ અટક્યા બાદ ફરી શરૂ થયો અને એ પરંપરા ચાલુ રહી હતી. છેવટે ૯.૩૦ વાગ્યા પછી મૅચ રદ જાહેર કરવામાં આવી હતી.

ટેન્ડા બવુમા ઈજાને લીધે નહોતો રમ્યો અને સ્પિનર કેશવ મહારાજે કૅપ્ટન્સીની જવાબદારી મળ્યા પછી પોતાની બોલિંગથી ભારતની ઇનિંગ્સનો આરભં કર્યો હતો. ભારતે રાજકોટની મૅચ જેવી જ ટીમ જાળવી રાખી હતી.

સિરીઝ ૨-૨થી ડ્રૉ જતાં બન્ને ટીમે ટ્રોફી શૅર કરી લીધી હતી. હર્ષલ પટેલની ૭ વિકેટ સિરીઝના તમામ બોલર્સમાં હાઇએસ્ટ હતી, પરંતુ કુલ ૬ વિકેટ લઈને હરીફો પર સૌથી વધુ પ્રભાવ પાડનાર ભુવનેશ્વર કુમારને મૅન ઑફ ધ સિરીઝનો અવૉર્ડ અપાયો હતો. ચહલની પણ ૬ વિકેટ હતી. ઈશાન કિશન ૨૦૬ રન સાથે હાઇએસ્ટ રન-મેકર હતો.

20 June, 2022 12:10 PM IST | Mumbai | Gujarati Mid-day Correspondent

અન્ય લેખો

ક્રિકેટ

આયરલૅન્ડ સામે ગાયકવાડ અને સૅમસનના પ્રદર્શન પર નજર

ટી૨૦ સિરીઝમાં કોણ હશે ભારતીય વિકેટકીપર? : ફાસ્ટ બોલર અર્શદીપ સિંહ કે ઉમરાન મલિકને મળશે આજે રમવાની તક

26 June, 2022 12:26 IST | Mumbai | Gujarati Mid-day Correspondent
ક્રિકેટ

ફાસ્ટ બોલર્સ અને મિડલ ઑર્ડર બૅટર્સને કારણે ભારતનું પલડું ભારે

આજે બૅન્ગલોરમાં સાઉથ આફ્રિકા સામે ટીમ ​ઇન્ડિયાની સિરીઝની છેલ્લી અને નિર્ણાયક ટી૨૦ : મેચ સાંજે ૭.૦૦ વાગ્યાથી શરુ થશે

19 June, 2022 02:26 IST | Mumbai | Gujarati Mid-day Correspondent
ક્રિકેટ

રાજકોટમાં ભારતને સિરીઝ જીવંત રાખવાનો આજે મોકો

ખંઢેરીમાં ભારત ત્રણમાંથી બે ટી૨૦ જીત્યું છે : મંગળવારની જીતથી ભારતીયોનો જુસ્સો બુલંદ છે

17 June, 2022 12:37 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK