ગિલ માટે ત્રણેય ફૉર્મેટની બૅટિ‍‍‍‍‍‍‍‍‍‍‍‍ં‍‍‍‍‍‍‍‍‍‍ગ આસાન : હાર્દિક

ગિલ ઇન્ટરનૅશનલ ક્રિકેટનાં ત્રણેય ફૉર્મેટમાં સદી ફટકારનારો આટલામો ભારતીય છે. તે કોહલી, રૈના, રોહિત અને કે. એલ. રાહુલની બરાબરીમાં આવી ગયો છે.

1

ત્રણેય ફૉર્મેટના સૌથી યુવાન સેન્ચુરિયનોમાં એકમાત્ર અહમદ શેહઝાદ જ ગિલથી આગળ છે. ગિલની ઉંમર ૨૩ વર્ષ, ૧૪૬ દિવસ છે. શાહઝાદે ૨૨ વર્ષની ઉંમરે આ સિદ્ધિ મેળવેલી.

શુભમન ગિલ વિશે કૅપ્ટન હાર્દિક પંડ્યાએ શું કહ્યું?

ગયા વર્ષની આઇપીએલમાં હાર્દિક પંડ્યાના સુકાનમાં ગુજરાત ટાઇટન્સને ચૅમ્પિયન બનાવવામાં શુભમન ગિલનું મોટું યોગદાન હતું અને બુધવારે ગિલે ન્યુ ઝીલૅન્ડ સામેની સિરીઝ જિતાડવાની સાથે ટી૨૦ સિરીઝોના અપરાજિત ટી૨૦ કૅપ્ટન હાર્દિકનો રેકૉર્ડ ક્લિયર રખાવ્યો છે. એટલું જ નહીં, ન્યુ ઝીલૅન્ડ ભારતમાં ૧૯૫૦ના દાયકાથી માંડીને અત્યાર સુધીમાં એકેય સિરીઝ નહોતું જીત્યું એ પરંપરા પણ ગિલની સદીને કારણે જ જાળવી શક્યા છીએ.

બુધવારે ગિલની ઇનિંગ્સ વિશે હાર્દિક ખૂબ ખુશ હતો. હાર્દિકે પત્રકારોને કહ્યું, ‘શુભમન ગિલની બૅટિંગ ટેક્નિક એટલી બધી સંગીન છે કે તેના માટે ટી૨૦, ટેસ્ટ અને વન-ડે ત્રણેય ફૉર્મેટમાં બૅટિંગ કરવી સાવ આસાન વાત છે એમ કહી શકાય. તેની રમવાની સ્ટાઇલ પણ ત્રણેય ફૉર્મેટ માટે ફિટ બેસે એવી છે. સૂર્યકુમારની જેમ ગિલ પણ સારો કહી શકાય એવા બૉલને ફટકારીને એને બૅડ બૉલ બનાવી શકે છે. ગિલની આ કુશળતાનો મને ઘણો ફાયદો થયો છે. તે બહુ સમજદારીપૂર્વક બૅટિંગ કરે છે. તે ભારતીય ક્રિકેટ માટે ઍસેટ બની રહેશે.’

બુધવારે અમદાવાદમાં જો રાહુલ ત્રિપાઠી બાવીસ બૉલમાં ૪૪ રનની ઇનિંગ્સ ન રમ્યો હોત તો શુભમન ગિલે તેની ઇનિંગ્સ વધુ ઝડપથી રમવી પડી હોત. - આકાશ ચોપડા