° °

આજનું ઇ-પેપર
Sunday, 05 February, 2023


આઇપીએલનો રોમાંચ વધારશે ઇમ્પૅક્ટ પ્લેયર સિસ્ટમ

03 December, 2022 11:58 PM IST | Mumbai
Gujarati Mid-day Correspondent | feedbackgmd@mid-day.com

મુશ્તાક અલી ટુર્નામેન્ટમાં આ નિયમ લાગુ કરાયો હતો, જેની સફળતા બાદ આઇપીએલમાં પણ એ લાગુ પાડવામાં આવશે

આઇપીએલનો રોમાંચ વધારશે ઇમ્પૅક્ટ પ્લેયર સિસ્ટમ

આઇપીએલનો રોમાંચ વધારશે ઇમ્પૅક્ટ પ્લેયર સિસ્ટમ

ઇન્ડિયન પ્રીમિયર લીગ (આઇપીએલ)ની નવી સીઝનની તૈયારી જોરશોરથી શરૂ થઈ ગઈ છે. ૨૩ ડિસેમ્બરે એને માટે હરાજી થવાની છે. કુલ ૯૯૧ ખેલાડીઓ પર ૮૭ સ્પૉટ માટે બોલી લગાવવામાં આવશે. દરમ્યાન આગામી સીઝનમાં આઇપીએલના નિયમમાં એક એવો ફેરફાર કરવામાં આવશે જેનાથી રમતની મજા બેવડાશે. ક્રિકેટ બોર્ડ આ સીઝનથી ઇમ્પૅક્ટ પ્લેયર નિયમ લાગુ કરશે, જે અંતર્ગત ટૉસ દરમ્યાન કૅપ્ટન ૧૧ને બદલે ૧૫ ખેલાડીઓનાં નામ બતાવશે. આ ૪ ખેલાડીઓ પૈકી એકનો દરેક ટીમ ઇમ્પૅક્ટ પ્લેયર તરીકે ઉપયોગ કરી શકે છે. હાલમાં આ નિયમને સઈદ મુશ્તાક અલી ટુર્નામેન્ટમાં લાગુ કરવામાં આવ્યો છે. 

શું છે આ નિયમ?
ઇમ્પૅક્ટ પ્લેયર ૧૧ પૈકી કોઈની પણ જગ્યા લઈ શકે છે, પરંતુ આ કામ બન્ને ઇનિંગ્સની ૧૪મી ઓવર સુધી જ કરી શકાશે, ત્યાર બાદ નહીં. ૧૪મી ઓવર સુધી કોઈ ઇમ્પૅક્ટ પ્લેયર આવે તો બોલિંગમાં ચાર ઓવર નાખી શકે અથવા બૅટિંગ કરી શકે, વળી આ ખેલાડી જે ખેલાડીને બદલે આવે એનો મૅચના રોલમાં કોઈ ફરક નહીં પડે. જો એક બોલરે ૧૪ ઓવર પૂરી થાય એ પહેલાં ૩ ઓવર બોલિંગ કરી છે તો એને બદલે આવનાર ઇમ્પૅક્ટ પ્લેયર પોતાની ૪ ઓ‍વરનો ક્વોટા પણ પૂરો કરી શકે. વળી કોઈ બૅટર આઉટ થઈ ગયો હોય તો તેનું સ્થાન ઇમ્પૅક્ટ પ્લેયર લઈ રહ્યો હોય તો તે બૅટિંગ પણ કરી શકશે. વન-ડે ક્રિકેટમાં ૨૦૦૫થી ૨૦૦૬ વચ્ચે સુપર સબ સિસ્ટમ લાવવામાં આવી હતી. બિગ બૅશ લીગમાં એક્સ-ફૅક્ટર રૂલ ચાલે છે, જે મુજબ કોઈ પણ ટીમ મૅચની પહેલી ૧૦ ઓવર બાદ એક ખેલાડીને બદલી શકશે. 

03 December, 2022 11:58 PM IST | Mumbai | Gujarati Mid-day Correspondent

અન્ય લેખો

ક્રિકેટ

મહિલાઓની પહેલી આઇપીએલ કદાચ માત્ર મુંબઈમાં રમાશે

માર્ચ મહિનાની સ્પર્ધા માટેનું ઑક્શન પણ મોટા ભાગે ૧૩ ફેબ્રુઆરીએ મુંબઈમાં યોજાશે

02 February, 2023 12:58 IST | Mumbai | Gujarati Mid-day Correspondent
ક્રિકેટ

વિમેન્સ આઇપીએલની શરૂઆતમાં જ ‘સિક્સર’ : બીસીસીઆઇને અપાવ્યા ૪૬૬૯.૯૯ કરોડ રૂપિયા

મેન્સ આઇપીએલના મુંબઈ, દિલ્હી, બૅન્ગલોરના ફ્રૅન્ચાઇઝીઓ તેમ જ અદાણી અને કૅપ્રી ગ્લોબલ કંપનીએ ખરીદી ટીમ ઃ સ્પર્ધા ‘વિમેન્સ પ્રીમિયર લીગ’ તરીકે ઓળખાશે

26 January, 2023 03:56 IST | Mumbai | Gujarati Mid-day Correspondent
ક્રિકેટ

વિમેન્સની પાંચ ટીમ ખરીદવા મેન્સ આઇપીએલના સાત ફ્રૅન્ચાઇઝી રેસમાં

અદાણી, હલ્દીરામ, ટૉરન્ટ ફાર્મા, અપોલો પાઇપ્સ અને શ્રીરામ ગ્રુપ પણ મેદાનમાં : એક કંપની એકથી વધુ શહેર માટે દાવો કરી શકશે

25 January, 2023 01:08 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK