° °

આજનું ઇ-પેપર
Thursday, 23 March, 2023


‘વ્યભિચારીઓથી કંઈ દેશની પ્રતિષ્ઠાની રક્ષા ન થઈ શકે’

05 September, 2022 11:21 AM IST | Mumbai
Gujarati Mid-day Correspondent | feedbackgmd@mid-day.com

મોહમ્મદ શમીને અલગ રહેતી પત્નીનો ઇન્સ્ટા પર ટોણો : હાર્દિક પંડ્યાના ફોટોનો સહારો લઈને પતિને ટાર્ગેટ બનાવ્યો

હસીન જહાં અને મોહમ્મદ શમી

હસીન જહાં અને મોહમ્મદ શમી

પેસ બોલર મોહમ્મદ શમીથી અલગ રહેતી પત્ની હસીન જહાં ફરી એક વાર સોશ્યલ મીડિયામાં ચર્ચામાં આવી છે. તેણે ઇન્સ્ટાગ્રામ પર શમીને લક્ષ્યાંક બનાવીને એક નિવેદન લખ્યું હતું જેમાં ભારતની પાકિસ્તાન સામેની ગયા રવિવારની જીતના એક ફોટોનો સહારો લીધો હતો.

૨૮ ઑગસ્ટે દુબઈમાં ભારતે હાર્દિક પંડ્યાના ઑલરાઉન્ડ પર્ફોર્મન્સ (૩ વિકેટ અને અણનમ ૩૩ રન)ની મદદથી પાકિસ્તાનને ધૂળચાટતું કરી દીધું હતું. એ જીત પછી શમીની પત્ની હસીન જહાંએ ઇન્સ્ટા પર હાર્દિકનો વિનિંગ સિક્સર પછીનો ફોટો શૅર કરવાની સાથે કૅપ્શનમાં લખ્યું હતું, ‘અભિનંદન. યાદગાર વિજય મળ્યો. દેશને જિતાડવામાં મદદરૂપ થવા બદલ આપણા ટાઇગર્સનો આભાર. આ તો બનવાનું જ હતું. આપણા દેશની પ્રતિષ્ઠા અને ગૌરવની રક્ષા ગુનેગારો અને વ્યભિચારીઓથી નહીં, પણ પ્રામાણિક દેશપ્રેમીઓથી થાય છે.’ હસીન જહાંની આ પોસ્ટથી ઇન્ટરનેટ પર શમીના અનેક ચાહકોએ નારાજગી બતાડી છે અને હસીન જહાંને વખોડી પણ છે. શમી ભારતની ટી૨૦ એશિયા કપની ટીમમાં નથી. ૨૦૧૮માં હસીન જહાંએ પતિ શમી વિરુદ્ધ ડોમેસ્ટિક વાયલન્સની અને શમીના મોટા ભાઈ વિરુદ્ધ બળાત્કારની ફરિયાદ પણ કરાઈ હતી. શમીએ તમામ આક્ષેપોને પોતાની વિરુદ્ધનું કાવતરું ગણાવીને નકાર્યા હતા. શમીથી હસીન જહાંને એક પુત્રી છે જે ૭ વર્ષની છે.

32
મોહમ્મદ શમી શનિવારે આટલા વર્ષનો થયો. તેણે સાદાઈથી બર્થ-ડે ઊજવ્યો હતો.

05 September, 2022 11:21 AM IST | Mumbai | Gujarati Mid-day Correspondent

અન્ય લેખો

ક્રિકેટ

લેજન્ડ્સ લીગમાં થરંગા, દિલશાને એશિયા લાયન્સને ટાઇટલ અપાવ્યું

કતારના દોહામાં શેન વૉટ્સનની કૅપ્ટન્સીમાં રમનાર વર્લ્ડ જાયન્ટ્સે ૧૪૮ રનનો જે લક્ષ્યાંક આપ્યો એ શાહિદ આફ્રિદીના સુકાનમાં એશિયા લાયન્સે ૨૩ બૉલ બાકી રાખીને અને ત્રણ જ વિકેટ ગુમાવીને મેળવી લીધો હતો

22 March, 2023 12:32 IST | New Delhi | Gujarati Mid-day Correspondent
ક્રિકેટ

શરૂઆતમાં જ સારા પ્લેયર્સ ગુમાવ્યા એટલે ટીમ બનાવવામાં તકલીફ પડી : મિતાલી રાજ

ગુજરાત જાયન્ટ્સની મેન્ટર ઉપરાંત હેડ-કોચ રૅચલ હેઇન્સનો પણ આવો જ મત

22 March, 2023 12:26 IST | Mumbai | Gujarati Mid-day Correspondent
ક્રિકેટ

મુંબઈની જીત, છઠ્ઠી હાર સાથે બૅન્ગલોરની વિદાય

બૅન્ગલોરે આ પહેલાં ૧૨૫ રનના સાધારણ ટાર્ગેટને મુંબઈએ ૧૬.૩ ઓવરમાં ચાર વિકેટ ગુમાવીને મેળવી લીધી હતી

22 March, 2023 12:10 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK