ગુજરાત ટાઇટન્સની ટીમ એના ટૉપ ઑર્ડર બૅટર્સ સાઈ સુદર્શન, શુભમન ગિલ અને જૉસ બટલરના પ્રદર્શનને આધારે પૉઇન્ટ્સ-ટેબલમાં ટોચનું સ્થાન જાળવી રાખવામાં સફળ રહી છે. ત્રણેય બૅટર ઑરેન્જ કૅપની રેસમાં ટૉપ-ફાઇવમાં સામેલ છે.
સાઈ સુદર્શન, શુભમન ગિલ અને જૉસ બટલર
ગુજરાત ટાઇટન્સની ટીમ એના ટૉપ ઑર્ડર બૅટર્સ સાઈ સુદર્શન, શુભમન ગિલ અને જૉસ બટલરના પ્રદર્શનને આધારે પૉઇન્ટ્સ-ટેબલમાં ટોચનું સ્થાન જાળવી રાખવામાં સફળ રહી છે. ત્રણેય બૅટર ઑરેન્જ કૅપની રેસમાં ટૉપ-ફાઇવમાં સામેલ છે. ઓપનર સાઈ સુદર્શને ૫૦૯ રન, અન્ય ઓપનર અને કૅપ્ટન શુભમન ગિલે ૫૦૮ રન જ્યારે ત્રીજા ક્રમે બૅટિંગ કરતા વિકેટકીપર-બૅટર જૉસ બટલરે ૫૦૦ રન ફટકાર્યા છે.
૧૧ મૅચોમાં પાંચ-પાંચ ફિફ્ટી ફટકારનાર આ ત્રિપુટીએ એક IPL સીઝનમાં એકસાથે ૫૦૦ કે એથી વધુ રન કરીને ઇતિહાસ રચ્યો છે. આ ટુર્નામેન્ટમાં હમણાં સુધી ૧૪ વખત એક ટીમના બે બૅટર્સે એક સીઝનમાં ૫૦૦ કે એથી વધુ રન કર્યા છે, પણ પહેલી વાર એક ટીમના ત્રણેય બૅટર્સે આ કમાલ કરીને બતાવી છે. તેમના નામે પહેલી બે વિકેટ માટે એક સીઝનમાં હાઇએસ્ટ ૧૫ વખત ૫૦ પ્લસ રનની ભાગીદારી કરવાનો રેકૉર્ડ પણ છે.
