આ સિરીઝ ૧૭ એપ્રિલથી શરૂ થઈને બીજી મે સુધી ચાલશે. ઘરઆંગણે તાજેતરમાં પાકિસ્તાન સામેની જીત બાદ બંગલાદેશ વધુ એક સિરીઝમાં જીત મેળવીને રૅન્કિંગમાં વધુ સુધારો કરવા મક્કમ હશે.
પ્રતીકાત્મક તસવીર
દર વર્ષે એપ્રિલ-મેમાં મોટા ભાગની ટીમોના મુખ્ય ખેલાડીઓ IPLમાં વ્યસ્ત હોવાથી એ દરમ્યાન ભાગ્યે જ કોઈ ક્રિકેટ બોર્ડ સિરીઝ ગોઠવતું હોય છે. પેસ બોલર મુસ્તફિઝુર રહમાનને પહેલાં કોલકાતા નાઇટ રાઇડર્સ ટીમે ખરીદ્યો હતો, પણ વિવાદ બાદ તેની હકાલપટ્ટીને લીધે આ વખતે IPLમાં એક પણ બંગલાદેશી ખેલાડીનો સમાવેશ નથી. બંગલાદેશ ક્રિકેટ બોર્ડે બધા ખેલાડીઓ નવરાધૂપ હોવાથી ન્યુ ઝીલૅન્ડ સામે ૩ વન-ડે અને એટલી જ T20 મૅચની સિરીઝ ગોઠવી દીધી. આ સિરીઝમાં બંગલાદેશ ફુલ સ્ટ્રેંગ્થ સાથે મેદાનમાં ઊતરશે, પણ ન્યુ ઝીલૅન્ડના અમુક સ્ટાર ખેલાડીઓ IPLમાં વ્યસ્ત હોવાથી તેમણે સેકન્ડ ગ્રેડની ટીમને મોકલવી પડશે.
આ સિરીઝ ૧૭ એપ્રિલથી શરૂ થઈને બીજી મે સુધી ચાલશે. ઘરઆંગણે તાજેતરમાં પાકિસ્તાન સામેની જીત બાદ બંગલાદેશ વધુ એક સિરીઝમાં જીત મેળવીને રૅન્કિંગમાં વધુ સુધારો કરવા મક્કમ હશે.
