મહારાષ્ટ્ર કૉંગ્રેસમાં દિલ્હીમાં પ્રદર્શન કરતા ખેડૂતોના સમર્થનનો પ્રસ્તાવ મંજૂર

મહારાષ્ટ્રમાં આંદોલનની ચેતવણી
ખેડૂનેતા રાજૂ શેટ્ટીના નેતૃત્વમાં મંગળવારના મહારાષ્ટ્રના કોલ્હાપુર, પુણે, ઔરંગાબાદ, સોલાપુર, અકોલા જેવા અનેક શહેરોમાં ખેડૂતોના સમર્થનમાં આંદોલન કરવામાં આવ્યું હતું. આ આંદોલનમાં કેન્દ્ર સરકારના પ્રતીકાત્મર પુતળાને પણ આગ લગાડી હતી.

ખેડૂત નેતા શેટ્ટીએ ખેડૂતોની સમસ્યાને લઈને કેન્દ્ર સરકારને નિદાન કરવાની અપીલ કરી છે. ખેડૂત નેતાનું એ પણ કહેવું છે કે મહારાષ્ટ્રમાં કોઇપણ કેન્દ્રીય મંત્રીને નહીં આવવા દેવામાં આવે. દિલ્હીની જેમ હવે મહારાષ્ટ્રમાં પણ આંદોલનની ચેતવણી આપી છે.

મહારાષ્ટ્રના ખેડૂતોએ દિલ્હીની સીમા પર ખેડૂતોના દેશવ્યાપી આંદોલનને હજી વધુ તીવ્ર કરવા નિવેદન કર્યું છે. કેન્દ્ર સરકાર દિલ્હીની સીમા પર શરૂ થયેલા ખેડૂત આંદોલનને બળપૂર્વક દબાવવાનો પ્રયત્ન કરી રહી છે, ખેડૂતોને ભગાડવા માટે ઠંડીની આ સીઝનમાં પાણીનો વરસાદ તેમજ આંસુ ગૅસ છોડવામાં આવી રહ્યો છે. આમ કરી હાઇવે પર ખેડૂત નેતાઓને અટકાવવાનો  પ્રયત્ન કેન્દ્ર સરકાર તરફથી કરવામાં આવી રહ્યો છે.

ખેડૂત કાયદાને લઈને દિલ્હીમા વિરોધ પ્રદર્શન ચાલુ છે. ત્યારે પંજાબના પૂર્વ સીએમ પ્રકાશ સિંહ બાદલે ખેડૂતોના સમર્થનામાં આવતા વિરોધ સ્વરૂપે પોતાનો પદ્મ વિભૂષણ એવૉર્ડ પાછો સોંપી દીધો છે. 

બાદલે કહ્યું કે, "કેન્દ્ર સરકાર ખેડૂતો સાથે છળ કરી રહી છે." પૂર્વ કેન્દ્રીય મંત્રી સુખદેવ સિંહ ઢીંડસાએ કૃષિ કાયદાને લઈને વિરોધ દર્શાવતા 'પદ્મ ભૂષણ' પરત કરવાની જાહેરાત કરી. તેમને વર્ષ 2019માં આ અવૉર્ડ આપવામાં આવ્યો હતો.