Ganesh Chaturthi 2020 : ઉદ્ધવ ઠાકરે અને ટીના અંબાણીએ આવી રીતે ગણેશોત્સવ ઉજવ્યો

શનિવારથી ગણેશોત્સવની શરૂઆત થઈ છે. મહારાષ્ટ્રના મુખ્ય પ્રધાન ઉદ્ધવ ઠાકરેના સાઉથ મુંબઈ સ્થિત વર્ષા બંગલોમાં પણ ગણેશજીની સ્થાપના કરવામાં આવી હતી. તેમણે પત્ની રશ્મી ઠાકરે, બાળકો- આદિત્ય અને તેજસ ઠાકરે સાથે ફોટો ટ્વીટર ઉપર શૅર કરીને દરેકને શુભેચ્છા આપી હતી.

હૅલ્થ એડવાઈઝરીનું પાલન કરતા ઠાકરે પરિવારે આરતી કરતા સમયે માસ્ક પહેર્યું હતું. આદિત્ય ઠાકરેએ બાપ્પાનો ફોટો લઈને ઈન્સ્ટાગ્રામ ઉપર મૂક્યો હતો.

 બિઝનેસ ટાયકુન અનિલ અંબાણી અને તેમની પત્ની ટીના અંબાણીએ પણ ઘરે ગણેશજીની સ્થાપના કરી હતી. ટીના અંબાણીએ તેમના પતિ અનિલ અંબાણી અને ગણપતિ ભગવાન સાથેનો એક ફોટો શૅર કરીને લખ્યું કે, ‘તમે વિઘ્નહર્તા છો, બધા રાક્ષસ અને અવરોધોનો નાશ કરો છો. હે ભગવાન અમને આ કપરા સમયમાં તમારી જરૂર છે. અમારા અવરોધો દૂર કરીને માનવજાતને સારુ સ્વાસ્થ્ય આપીને આ વિશ્વમાં સંતુલન રાખો. જય ગણેશ!’

ભાજપ નેતા પૂનમ મહાજને પણ ગાઈડલાઈન્સનું પાલન કરીને ગણેશોત્સવની ઉજવણી કરી હતી. તેમણે દીકરા આધ્ય અને દીકરી અવિકાનો સુંદર ફોટો શૅર કર્યો હતો.

ભાજપ નેતા અને ભૂતપૂર્વ મુખ્ય પ્રધાન દેવેન્દ્ર ફડણવીસે પણ શ્રી ગણેશને આવકાર્યા હતા. સોશ્યિલ મીડિયાના માધ્યમે તેમણે લોકોને શુભેચ્છા આપી હતી. ફોટામાં તેમની પત્ની અમૃતા ફડણવીસ અને દિકરી દિવીજા ગણેશ સ્થાપન પૂજા કરતા દેખાય છે.

કોંગ્રેસ નેતા મિલિંદ દેવરાએ તેમના સાઉથ મુંબઈના ઘરમાં યુનિક રીતે ગણેશોત્સવની ઉજવણી કરી હતી. તેમની દીકરીએ લેગોથી ગણપતિ ભગવાનની મૂર્તિ બનાવી હતી. ટ્વીટરમાં આ ફોટો શૅર કરતા દેવરાએ કહ્યું કે, ‘મારી અઢી વર્ષની દીકરીએ લેગોથી ગણેશજીની વંદના કરી છે.’ બિઝનેસ ટાયકુન હર્ષ ગોએન્કાએ કમેન્ટમાં ‘એક્સેલન્ટ’ લખ્યું હતું.

શિવસેનાના સંસદસભ્ય સંજય રાઉતે તેમના ઘરની ગણેશજીની મૂર્તિનો ફોટો ટ્વીટરમાં શૅર કર્યો હતો. મૂર્તિની આસપાસ ઘણા બધા દિવા છે. રાઉતે કૅપ્શન આપી: ગણપતિ બાપ્પા મોર્યા!

કોંગ્રેસ નેતા પ્રિયા દત્તના ઘરે પણ ગણપતિની સ્થાપના થઈ હતી. ફોટો શૅર કરતા તેમણે દરેકને ગણેશ ચતૂર્થીની શુભેચ્છાઓ આપી હતી. તેમણે કૅપ્શન આપી કે, ગણપતિ ભગવાન અંધકારને દૂર કરવા પ્રકાશ નાખશે અને આપણને બધાને સારુ સ્વાસ્થ્ય અને ખુશીઓના આર્શિવાદ આપશે.

બંગાળી એક્ટ્રેસ અને પોલીટીશન મીમી ચક્રવર્તીએ પણ ભગવાન ગણેશ સાથેનો સુંદર ફોચો શૅર કર્યો હતો. ટ્રેડિશનલ કપડામાં તે ગણેશજીની પૂજા કરતા દેખાય છે. ત્રિનામોલ કૉન્ગ્રેસની આ સંસદસભ્યએ કૅપ્શન આપી, ‘’ગણપતિ બાપ્પા મોર્યા!’’

માસ્ટરશેફ ઈન્ડિયા સીઝન 6 ના ફાઈનલિસ્ટ શેફ આકાંક્ષા ખત્રીએ ગણેશજીની સાથે વિવિધ વેરાયટીના મોદકના ફોટો શૅર કર્યો હતો. તેણે લખ્યું કે, ગણપતિ ભગવાન આપણને સારુ સ્વાસ્થ્ય, ખુશી, સમૃદ્ધિ આપે.

કરજત-જામખેડના વિધાનસભ્ય રોહિત પવાર તેમની પત્ની અને બાળકો સાથે ગણેશજીની આરતી કરતા દેખાય છે. તેમણે કહ્યું કે, અમે કોવિડ-19 વોરિયર્સ, કુટુંબો અને દરેક લોકો માટે વિઘ્નહર્તા પાસે સલામતિની પ્રાર્થના કરીએ છીએ.

 મુંબઈની શેફ નતાશા ગાંધીએ એક વીડિયો શૅર કર્યો જેમાં તેમના ઘરે ગણપતિ આવતા તે ‘રાગી ઉકાડીચે મોદક’ બનાવે છે. તેમણે આ મોદક બનાવવાની સંપૂર્ણ રીત પણ શૅર કરી છે. નતાશાએ વીડિયો શૅર કરતા લખ્યું કે, આ ગણેશોત્સવમાં બાપ્પાનું સ્વાગત તેમની ફેવરેટ સ્વીટ ડીશ મોદકથી કરીએ.

મુંબઈના મેયર કિશોરી પેડણેકરે પણ ગણેશોત્સવની ઉજણવી કરી હતી. બીએમસીના આર્ટિફિશિયલ પોન્ડ્સમાં દોઢ દિવસના ગણપતિના વિસર્જન વખતે તેમણે લોકોને માર્ગદર્શન પણ આપ્યું હતું.

ગોવાના મુખ્ય પ્રધાન પ્રમોદ સાવંતના ઘરે પણ બાપ્પા આવ્યા હતા. પાલે વિલેજ નજીક કોથમ્બી સ્થિત તેમના ઘરમાં ગણેશજી સાથે કુટુંબનો ફોટો શૅર કર્યો હતો. લોકોને ગણેશ ચતૂર્થીની શુભેચ્છા આપતા કહ્યું કે, ગોવાના દરેક લોકોની સમુદ્ધિ માટે હું પ્રાર્થના કરું છું.

 મહારાષ્ટ્રના ભૂતપૂર્વ મુખ્ય પ્રધાન નારાયણ રાણે અને તેમના પુત્ર નિતેશ રાણેએ ગાઈડલાઈન્સનું પાલન કરીને ગણેશોત્સવની ઉજવણી કરી હતી. નિતેશ રાણેએ માસ્ક પહેરીને ગણેશજીની પ્રાર્થના કરતો હોવાનો ફોટો પણ શૅર કર્યો હતો.

ઉપરાષ્ટ્રપતિ વૅન્કૈયા નાયડૂ અને તેમની પત્ની ઉશા નાયડૂએ પણ નવી દિલ્હીના તેમના ઘરમાં ગણેશજીની સ્થાપના કરી હતી. તેમણે ટ્વીટરમાં ફોટો શૅર કરતા લખ્યું, ‘’ગણપતિ બાપ્પા મોર્યા’’

 કેન્દ્રિય પ્રધાન નીતિન ગડકરી, તેમની પત્ની, બાળકો અને પૌત્ર સાથે ઘરમાં ગણપતિ ભગવાનના આવકાર્યા હતાં. ગડકરીએ એક વીડિયો પણ શૅર કર્યો હતો.

તામિલનાડુના મુખ્ય પ્રધાન ઈદાપદી કે પાલનીસ્વામીએ સુરક્ષાના નિયમોનું પાલન કરીને ગણેશોત્સવની ઉજણવી કરી હતી. વાઈટ શર્ટ અને ધોતીની સાથે તેમણે માસ્ક પણ પહેર્યું હતું.