Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > વિશ્વની સૌથી કીમતી ચૉકલેટ છે લાખ રૂપિયાની ૧૦૦ ગ્રામ

વિશ્વની સૌથી કીમતી ચૉકલેટ છે લાખ રૂપિયાની ૧૦૦ ગ્રામ

31 March, 2024 01:37 PM IST | Washington
Gujarati Mid-day Correspondent | feedbackgmd@mid-day.com

આ ચૉકલેટ કદાચ વિશ્વની સૌથી મોંઘી નથી, પરંતુ એ ખૂબ વૅલ્યુએબલ છે

ટોઆક ચૉકલેટ

ટોઆક ચૉકલેટ


ઇક્વાડોરમાં એક ખાસ પ્રકારના કોકો બીન્સમાંથી બનતી ટોઆક ચૉકલેટને તાજેતરમાં વિશ્વની સૌથી મોંઘેરી ચૉકલેટનું બિરુદ મળ્યું છે. આ ચૉકલેટ કદાચ વિશ્વની સૌથી મોંઘી નથી, પરંતુ એ ખૂબ વૅલ્યુએબલ છે, કેમ કે જેમાંથી એ બને છે એ નૅસિઓનલ કોકોનાં વૃક્ષ ઇક્વાડોરના માત્ર ૧૪ ખેતરોમાં જ ઊગે છે. વિશ્વમાં કૉસ્ટલીએસ્ટ ચૉકલેટ્સ બીજી ઘણી છે; જેમાં ટ્રફલ્સ, ગોલ્ડ વગેરે ઉમેરવામાં આવે છે, પણ ટોઆક ચૉકલેટમાં આવાં કોઈ જ ગિમિક નથી. એ નૅચરલ નૅસિઓનલ કોકોબીન્સમાંથી બનેલી સિલ્કી ચૉકલેટ છે. ટોઆક ચૉકલેટ બનાવતી કંપનીનો દાવો છે કે આ વિશ્વમાં મળતી ધ મોસ્ટ એક્સ્પેન્સિવ નૅચરલ ચૉકલેટ છે. ટેક્નિકલી એ સાચું પણ છે, કેમ કે આ ચૉકલેટનો ૧૦૦ ગ્રામનો એક બાર લગભગ ૯૯,૫૦૦ રૂપિયાનો છે. નૅસિઓનલ કોકો પ્લાન્ટ હવે લગભગ પૃથ્વી પરથી વિલુપ્ત થઈ રહ્યા છે ત્યારે આ કંપની ઇક્વાડોરની પિએડ્રા વૅલીમાં માત્ર આંગળીના વેઢે ગણી શકાય એટલાં ખેતરોમાં ઊગતાં જિનેટિકલી પ્યૉર વૃક્ષોના કોકોબીન્સ જ વાપરતી હોવાનો દાવો કરે છે. પહેલાં તેઓ આ કોકોબીન્સની ઓરિજિનલિટી ટેસ્ટ કરાવે છે અને પછી જ વાપરે છે. જોકે એને કારણે તેઓ ખૂબ ઓછી માત્રામાં ચૉકલેટ બનાવી શકે છે અને એ બનાવવાનો ખર્ચ પણ સારોએવો છે. જેમ વ્હીસ્કી જેટલી જૂની એટલી વધુ સ્વાદિષ્ટ કહેવાય છે એમ આ ટોઆક ચૉકલેટ પણ ચોક્કસ સમય સુધી એજિંગ પ્રોસેસમાંથી પસાર થાય એ પછી જ એની ટિપિકલ ફ્લેવર ડેવલપ કરે છે.


Whatsapp-channel Whatsapp-channel

31 March, 2024 01:37 PM IST | Washington | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK