° °

આજનું ઇ-પેપર
Saturday, 28 January, 2023


થાઇલૅન્ડની રેસ્ટોરાંમાં પીરસાય છે કીટક બર્ગર

15 September, 2022 10:26 AM IST | Bangkok
Gujarati Mid-day Correspondent | feedbackgmd@mid-day.com

આ જીવડા (કીટક)માં ઘણું પ્રોટીન હોવાનું માનવામાં આવે છે, જેને થાઇલૅન્ડના ખેતરમાંથી જ સીધાં લાવવામાં આવે છે.

કીટક બર્ગર Offbeat

કીટક બર્ગર

થાઇલૅન્ડના બૅન્ગકૉકની એક રેસ્ટોરાંમાં એક અનોખું બર્ગર સર્વ કરવામાં આવે છે, જેમાં ક્રિકેટ નામના જીવડા પીરસવામાં આવે છે. આ જીવડા (કીટક)માં ઘણું પ્રોટીન હોવાનું માનવામાં આવે છે, જેને થાઇલૅન્ડના ખેતરમાંથી જ સીધાં લાવવામાં આવે છે. માંસના વિકલ્પ તરીકે ખાઈ શકાય એવાં આ જીવડાંનું બજાર આગામી વર્ષોમાં મોટા પ્રમાણમાં વધે એવી શકયતા છે. થાઇલૅન્ડની બાઉન્સ બર્ગર રેસ્ટોરાં દ્વારા તૈયાર કરવામાં આવેલા આ ક્રિકેટ બીફ બર્ગરમાં સૉસ, પાવર બાર અને કુકીઝ પણ ઉમેરવામાં આવે છે. સ્ટ્રીટ વેન્ડર્સ ક્રિકેટ નામના કીટકને માત્ર સૉસમાં નાખીને આપે છે, પરંતુ ઘણી વખત આ કીટકની પાંખ કે પગના કડક ભાગ ગળામાં ફસાઈ જાય છે એટલે એ સમસ્યાને દૂર કરવા કીટક બર્ગરમાં આવા ભાગને દૂર કરીને માત્ર માંસલ શરીર જ નાખવામાં આવે છે. બીફ અને ડુક્કરનું માંસ ખાઈએ ત્યારે એમાં હાડકાં નથી હોતાં એ જ વાત અહીં લાગુ પડે છે. વળી ક્રિકેટને ઉછેરવામાં આવે ત્યારે પર્યાવરણ પર ગાય અને ડુક્કરના ઉછેર કરતાં ઓછી હાનિ થાય છે. વિશ્વના અન્ય દેશોમાં કિટકના ઉછેર વિશે હવે જાગૃતિ આવી છે, પરંતુ થાઇલૅન્ડમાં વર્ષોથી આ પ્રકારે એની ખેતી થાય છે. બૅન્ગકૉકથી થોડે દૂર આવેલું એક ખેતર દર મહિને ૧૬૦ કિલો જેટલાં કીટક રેસ્ટોરાંને મોકલે છે. ઘણા ગ્રાહકોએ કીટક બર્ગરને પસંદ કર્યું છે. ઘણાને ચટણીને લીધે ક્રિકેટની ગંધ આવતી નથી, તો કેટલાકને તો ખબર પણ નથી પડતી કે તેઓ કીટક બર્ગર ખાઈ રહ્યા છે. 

15 September, 2022 10:26 AM IST | Bangkok | Gujarati Mid-day Correspondent

અન્ય લેખો

ચિત્ર-વિચિત્ર

બાસ્કેટબૉલ કોર્ટ પર ફૂડ ડિલિવરી

ઉબર ઈટ્સના ફૂડ ડિલિવરીબૉયે ઑર્ડર ડિલિવર કરવા માટે બાસ્કેટબૉલની રમતમાં વિક્ષેપ ઊભો કર્યો હતો.

28 January, 2023 09:42 IST | Mumbai | Gujarati Mid-day Correspondent
ચિત્ર-વિચિત્ર

યુટ્યુબરે અમેરિકાના આકાશમાં ૩૫૦ કિલોમીટરનો ભારતનો નકશો ક્રીએટ કર્યો

રિપબ્લિક ડે પર એક યુટ્યુબરે અમેરિકાના આકાશમાં ભારતનો નકશો બનાવીને ઇતિહાસ સર્જી દીધો છે.

28 January, 2023 09:39 IST | Mumbai | Gujarati Mid-day Correspondent
ચિત્ર-વિચિત્ર

યુવાની પાછી મેળવવા વર્ષે ૧૬.૩૧ કરોડ રૂપિયાનો ખર્ચ

દુનિયાભરમાં અત્યારે ઍન્ટિ એજિંગ ટેક્નૉલૉજી પર કામ થઈ રહ્યું છે. વળી લોકો પણ યંગ દેખાવા માટે વર્કઆઉટ સહિત જાતજાતની કોશિશ કરે છે.

28 January, 2023 09:36 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK