મધ્ય પ્રદેશના ખંડવામાં ૨૯ વર્ષનો દીપેશ ઉર્ફે દીપેન્દ્ર ચોરી કરતાં પકડાયો હતો. તેણે ખંડવામાં એક કૉન્સ્ટેબલના ઘરમાં ચોરી કરી હતી. આ તેની પહેલી ચોરી નહોતી. આ પહેલાં પણ તે ઘણી ચોરીઓ કરી ચૂક્યો છે અને એ પણ માત્ર પોલીસવાળાઓના ઘરે જ.
બદલો લેવા માટે ૧૫ વર્ષથી માત્ર પોલીસને ત્યાં જ ચોરી કરતો હતો આ યુવાન
મધ્ય પ્રદેશના ખંડવામાં ૨૯ વર્ષનો દીપેશ ઉર્ફે દીપેન્દ્ર ચોરી કરતાં પકડાયો હતો. તેણે ખંડવામાં એક કૉન્સ્ટેબલના ઘરમાં ચોરી કરી હતી. આ તેની પહેલી ચોરી નહોતી. આ પહેલાં પણ તે ઘણી ચોરીઓ કરી ચૂક્યો છે અને એ પણ માત્ર પોલીસવાળાઓના ઘરે જ. ૧૧ ફેબ્રુઆરીએ અરેસ્ટ થયેલા દીપેશ પાસેથી લગભગ પાંચ લાખ રૂપિયાની કૅશ અને સોના-ચાંદીનાં ઘરેણાં મળ્યાં હતાં. દીપેશે પોલીસને કહ્યું હતું કે તે ૧૪ વર્ષની ઉંમરથી ચોરી કરે છે અને તે માત્ર પોલીસથી બદલો લેવા માટે તેમના જ ઘરે ચોરી કરે છે. આવું કેમ? એના જવાબમાં દીપેશ કહે છે, ‘૧૫ વર્ષ પહેલાં એક પોલીસવાળાએ મને પીટ્યો હતો. એ વખતે મારો કોઈ વાંક નહોતો છતાં મને ઢોર માર મારવામાં આવ્યો હતો. બસ, ત્યારથી મેં પોલીસવાળાઓને જ નિશાન બનાવવાનું નક્કી કર્યું. પહેલાં હું પોલીસોનાં ક્વૉર્ટર્સમાં ફેરીવાળો બનીને શાકભાજી વેચવાના બહાને રેકી કરું છું અને પછી રાતે ચોરી કરું છું.’
