Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > આને કહેવાય સૌથી ‘ઊંચો’ વિવાદ

આને કહેવાય સૌથી ‘ઊંચો’ વિવાદ

06 January, 2023 12:16 PM IST | Accra
Gujarati Mid-day Correspondent | feedbackgmd@mid-day.com

વર્ષ ૨૦૦૯માં ૮ ફુટ અને ત્રણ ઇંચના કદ સાથે રેકૉર્ડ હાંસલ કરનાર સુલેમાનનું કહેવું છે કે તે છેલ્લાં ૧૪ વર્ષથી આ રેકૉર્ડ ધરાવે છે

સુલેમાન કોસેન અને સુલેમાન અબ્દુલ સામેદ Offbeat News

સુલેમાન કોસેન અને સુલેમાન અબ્દુલ સામેદ


તુર્કીનો ૪૦ વર્ષનો ખેડૂત સુલેમાન કોસેન ૮ ફુટ અને ત્રણ ઇંચનું કદ ધરાવે છે, જે માટે તે ગિનેસ વર્લ્ડ રેકૉર્ડ્સનું સર્ટિફિકેટ પણ ધરાવે છે. જોકે તાજેતરમાં ઘાનાના ૨૯ વર્ષના સુલેમાન અબ્દુલ સામેદનું કદ ૯ ફુટ ૬ ઇંચ જેટલું હોઈ શકે છે એવા અહેવાલને પગલે કોસેને પોતે હજી સૌથી ઊંચા કદનો રેકૉર્ડ ધરાવી રહ્યો હોવાનો દાવો કર્યો હતો. જોકે ડૉક્ટરોએ આ કદ ઘાનાના એક ગ્રામીણ ક્લિનિકમાં માપ્યું હોવાનું જાહેર થયા બાદ આ વિવાદ વૈશ્વિક સ્તરે ચગ્યો હતો. તબીબોએ પોતાની પાસે ઊંચાઈ માપવા માટેનાં યોગ્ય ઉપકરણો ન હોવાનું જણાવી તેઓ ઊંચાઈ વિશે ચોક્કસ ન હોવાનું સ્વીકાર્યું હતું. તેમના વણચકાસાયેલા રેકૉર્ડ મુજબ સુલેમાન અબ્દુલ સામેદનું કદ ઇતિહાસમાં અત્યાર સુધીમાં સૌથી ઊંચું તથા તુર્કીના સુલેમાન કરતાં ૧૫ ઇંચ વધુ હોવાનું જણાવાઈ રહ્યું છે. વર્ષ ૨૦૦૯માં ૮ ફુટ અને ત્રણ ઇંચના કદ સાથે રેકૉર્ડ હાંસલ કરનાર સુલેમાનનું કહેવું છે કે તે છેલ્લાં ૧૪ વર્ષથી આ રેકૉર્ડ ધરાવે છે અને તે એટલી આસાનીથી આ રેકૉર્ડ અન્ય કોઈના નામે નહીં થવા દે. 

જોકે સુલેમાનને ગ્રોથ ડિસઑર્ડર માર્ફન સિન્ડ્રૉમ છે, જેના કારણે તેનું કદ સતત વધતું રહે છે.  તેની આ તકલીફને કારણે જ તેણે ડ્રાઇવર બનવાનું તેનું સપનું છોડી દેવું પડ્યું હતું.


Whatsapp-channel Whatsapp-channel

06 January, 2023 12:16 PM IST | Accra | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK