એક બ્રિટિશ વ્યક્તિએ ક્રિસમસ ટ્રી માર્ગ બનાવીને અનોખો રેકૉર્ડ સ્થાપિત કર્યો છે. તેણે ૮૦૦ જેટલાં રીસાઇકલ્ડ વૃક્ષનો ઉપયોગ કરતાં આ ક્રિસમસ ટ્રી માર્ગ બનાવ્યો હોવાનું જાણવા મળે છે.
પ્રતીકાત્મક તસવીર
એક બ્રિટિશ વ્યક્તિએ ક્રિસમસ ટ્રી માર્ગ બનાવીને અનોખો રેકૉર્ડ સ્થાપિત કર્યો છે. તેણે ૮૦૦ જેટલાં રીસાઇકલ્ડ વૃક્ષનો ઉપયોગ કરતાં આ ક્રિસમસ ટ્રી માર્ગ બનાવ્યો હોવાનું જાણવા મળે છે. તેણે આ વિશે વાત કરતાં જણાવ્યું કે અમે છેલ્લા ઘણા મહિનાથી આ માટેનું આયોજન કરી રહ્યા હતા. અગાઉ અમેરિકામાં ૭૯૭ વૃક્ષનો રેકૉર્ડ હતો. એ માટે અમે કપલને મળ્યા હતા, જેઓ ક્રિસમસ ટ્રી આયાત કરતાં હતાં. અમે જણાવ્યું કે જે સ્ટૉક બચ્યો હશે એ અમે લઈ જઈશું. આ રીતે એક પછી એક ક્રિસમસ ટ્રી ઉમેરાતાં ગયાં. કેટલાંક વૃક્ષ યુકેના એક ફાર્મમાંથી લવાયાં હતાં. આ ક્રિસમસ ટ્રી દર વર્ષે લગભગ એક ફુટ જેટલાં વધે છે. જો તમે ૭ ફુટનું ક્રિસમસ ટ્રી જોયું હોય તો એમાં ૭ વર્ષ લાગ્યાં હોવાં જોઈએ. અમે વૃક્ષ બચાવ્યાં છે. એ માટે પબ્લિક અમારી મદદ પણ કરશે. વૃક્ષ માટે કશું કરવા માટેનો લોકોનો અનુભવ પણ સારો રહે છે.
