Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > ઉંદર ડાયમન્ડ નેકલેસ ચોરી ગયો

ઉંદર ડાયમન્ડ નેકલેસ ચોરી ગયો

05 February, 2023 09:06 AM IST | Mumbai
Gujarati Mid-day Correspondent | feedbackgmd@mid-day.com

વિડિયોમાં જોઈ શકાય છે કે જ્વેલરી શૉપમાં ગુમ થયેલા ડાયમન્ડ નેકલેસ પાછળ કોઈ ચોરનો નહીં, ઉંદરનો હાથ હતો. 

ઉંદર ડાયમન્ડ નેકલેસ ચોરી ગયો

ઉંદર ડાયમન્ડ નેકલેસ ચોરી ગયો


કાંઈક જુદું જ હોય છે એ વાતને સાચી સાબિત કરે છે જ્વેલરી શૉપનો વાઇરલ થયેલો એક વિડિયો. આ વિડિયોમાં જોઈ શકાય છે કે જ્વેલરી શૉપમાં ગુમ થયેલા ડાયમન્ડ નેકલેસ પાછળ કોઈ ચોરનો નહીં, ઉંદરનો હાથ હતો. 
આ ઘટના સીસીટીવી કૅમેરાના ફુટેજમાં કેદ થયા બાદ સોશ્યલ મીડિયા પર શૅર કરવામાં આવતાં વાઇરલ થઈ છે. આ વિડિયોને અનેક લોકોએ જુદાં-જુદાં પ્લૅટફૉર્મ પર શૅર કર્યો છે. વિડિયોને ટ્વિટર પર પોસ્ટ કરનાર ટ્વિટર-યુઝરની જેમ જ અન્ય લોકોના મનમાં એક જ પ્રશ્ન ઊઠે છે કે ઉંદરે ડાયમન્ડ નેકલેસ કોને માટે ચોર્યો હશે? શું એ આવી રહેલા વૅલેન્ટાઇન્સ ડેની તૈયારીમાં હશે? 
વિડિયોમાં જોઈ શકાય છે કે જ્વેલરી શૉપમાં શેલ્ફ પર ડિસ્પ્લેમાં ડાયમન્ડ નેકલેસ છે. થોડા સમય બાદ આ શેલ્ફની ઉપર પડતી છતમાંથી એક ઉંદર નીચે સરકીને શેલ્ફ પાસે આવે છે. પાછો જવાનો સુરક્ષિત રસ્તો શોધતો હોય એમ થોડી વાર ઊભો રહે છે. ત્યાર બાદ ધીમેકથી નીચે ઊતરીને ડાયમન્ડ નેકલેસ લઈને પાછો પોતાના છુપાવાના સ્થળે ચાલ્યો જાય છે. 
આ વિડિયો અપલોડ કરાયો ત્યારથી અત્યાર સુધી એને ૩૦,૦૦૦ કરતાં વધુ વ્યુઝ મળ્યા છે તથા ૫૦૦ કરતાં વધુ લાઇક્સ મળી છે.


Whatsapp-channel Whatsapp-channel

05 February, 2023 09:06 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK