બુલ્લી બાઈ એ જ તર્જ પર કામ કરે છે જે રીતે થોડા દિવસો પહેલા સુલ્લી ડીલ એપ આવી હતી
પ્રતીકાત્મક તસવીર
બુલ્લી બાઈ નામની એપ સોશિયલ મીડિયા પર નફરત ફેલાવી રહી છે. બુલ્લી બાઈ એ સોશિયલ મીડિયા પર કેટલાક સમાજ વિરોધી લોકોની તાજેતરની દાદાગીરી છે, જ્યાં આ લોકો પોતાનો માનસિક કચરો ફેલાવી રહ્યા છે. આ એપ પર મુસ્લિમ મહિલાઓને નિશાન બનાવવામાં આવી રહી છે અને તેમની વિરુદ્ધ નફરત અને ગંદી વાતો લખવામાં આવી રહી છે.
બુલ્લી બાઈ એ જ તર્જ પર કામ કરે છે જે રીતે થોડા દિવસો પહેલા સુલ્લી ડીલ એપ આવી હતી. સુલ્લી ડીલ GitHub પર લોન્ચ કરવામાં આવી હતી. હવે બુલ્લી બાઈ પણ GitHub પર લોન્ચ કરવામાં આવી છે.
ADVERTISEMENT
GitHub હોસ્ટિંગ પ્લેટફોર્મ પર છે. આ પ્લેટફોર્મ પર વિવિધ પ્રકારની એપ્સ જોવા મળશે. GitHub એક ઓપન-સોર્સ પ્લેટફોર્મ, વપરાશકર્તાઓને એપ્લિકેશન બનાવવા અને શેર કરવાની મંજૂરી આપે છે. આ માટે તમારે ઈ-મેલની જરૂર પડશે.
બુલ્લી બાઈ પર મુસ્લિમ મહિલાઓની માનસિક સતામણીનો મામલો ત્યારે સામે આવ્યો જ્યારે એક મહિલા પત્રકારે ટ્વિટર પર તેની આપવીતી શેર કરી હતી. આ એપને ડેવલપ કરનારા લોકોએ બુલ્લી બાઈ એપ પર આ મહિલા પત્રકારનો ફોટો શેર કર્યો છે અને લોકો આ પત્રકાર માટે લૈંગિક અને દુરૂપયોગી કોમેન્ટ લખી રહ્યા છે.
આ મહિલા પત્રકારે પોતાનું દુઃખ શેર કરતાં લખ્યું કે “એક મુસ્લિમ મહિલા તરીકે તમારે તમારા નવા વર્ષની શરૂઆત આ ડર અને નફરત સાથે કરવી પડશે તે ખૂબ જ દુઃખદ છે. અલબત્ત, આ નવા સંસ્કરણમાં ફક્ત હું જ લક્ષ્યાંકિત નથી.”
તેનો ફોટો સાર્વજનિક થયા પછી, આ મહિલા પત્રકારે દિલ્હી પોલીસની સાયબર સેલ શાખામાં ફરિયાદ નોંધાવી અને તેને એફઆઈઆરમાં બદલવાની માગ કરી હતી. મહિલાની ફરિયાદના જવાબમાં દિલ્હી પોલીસે કહ્યું કે પોલીસે તેની નોંધ લીધી છે અને અધિકારીઓને કાર્યવાહી કરવાનો નિર્દેશ આપવામાં આવ્યો છે.
બીજી તરફ ઈન્ફોર્મેશન ટેક્નોલોજી મંત્રી અશ્વિની વૈષ્ણવે સ્પષ્ટતા કરી છે કે GitHub એ તેમને 1 જાન્યુઆરીની સવારે જાણ કરી છે કે આ યુઝરને બ્લોક કરવામાં આવ્યો છે. આ અંગે કોમ્પ્યુટર ઇમરજન્સી રિસ્પોન્સ ટીમ અને પોલીસે આગળની કાર્યવાહી હાથ ધરી છે.
