Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > દેશની મુખ્ય નદીઓમાં પાણી ચિંતાજનક સ્તરે

દેશની મુખ્ય નદીઓમાં પાણી ચિંતાજનક સ્તરે

03 April, 2024 09:17 AM IST | Mumbai
Gujarati Mid-day Correspondent | feedbackgmd@mid-day.com

ગંગામાં ફક્ત ૪૧.૨ ટકા પાણી : દક્ષિણની ૧૩ નદીઓમાં તો પાણી જ નથી

પ્રતીકાત્મક ફાઇલ તસવીર

પ્રતીકાત્મક ફાઇલ તસવીર


કાળઝાળ ગરમીની હજી તો શરૂઆત પણ નથી થઈ ત્યાં દેશની મુખ્ય નદીઓમાં પાણીનું ઘટી રહેલું સ્તર ચિંતાનું કારણ બની શકે છે. ગંગા, ગોદાવરી, નર્મદા, બ્રહ્મપુત્રા, સિંધુ, પેન્નાર, તાપી, સાબરમતી, મહાનદી, કાવેરી સહિત ૧૨ મુખ્ય નદીઓમાં પાણી ગયા વર્ષની સરખામણીએ ઓછું છે.કેન્દ્રીય જળ આયોગે તાજેતરમાં જણાવ્યું હતું કે ‘ભારતનાં ૧૫૦ મુખ્ય જળાશયોમાં પાણીનો સંગ્રહ કરવાની ક્ષમતાથી ૩૬ ટકા ઓછું પાણી છે. ૮૬ જળાશયોમાં પાણી ૪૦ ટકા કે એથી ઓછું છે. મોટા ભાગનાં જળાશયો મહારાષ્ટ્ર, ગુજરાત અને દક્ષિણનાં રાજ્યોમાં છે. જળ આયોગ પાસે ૨૦ નદીઓના બેસિનનો લાઇવ ડેટા રહે છે અને આ રિવર બેસિનમાં ૪૦ ટકાથી ઓછો જળસંગ્રહ જોવા મળ્યો છે.’

૧૧ રાજ્યોની જીવાદોરી સમાન ગંગા નદી ૨.૮૬ લાખ ગામને સિંચાઈ અને પીવાનું પાણી પૂરું પાડે છે અને હાલ નદીમાં ફક્ત ૪૧.૨ ટકા પાણી છે. ગયા વર્ષની સરખામણીમાં આ સ્તર ઘણું ઓછું છે. પાણીના અભાવથી ખેતીવાડી પ્રભાવિત થશે, કારણ કે ગંગા બેસિન ૬૫.૫૭ ટકા કૃષિ વિસ્તારને પાણી પૂરું પાડે છે. નર્મદામાં ૪૬.૨ ટકા, તાપીમાં ૫૬ ટકા, ગોદાવરીમાં ૩૪.૭૬ ટકા, મહાનદીમાં ૪૯.૫૩ ટકા અને સાબરમતીમાં ૩૯.૫૪ ટકા પાણીની ઘટ છે. દક્ષિણ ભારતની ૧૩ નદીઓ એવી છે જેમાં પાણી જ નથી. આ નદીઓ આંધ્ર પ્રદેશ, તેલંગણ, ઓડિશામાંથી પસાર થાય છે. આ વખતે ગરમી વધુ પડવાની છે અને ચોમાસું આવતાં સુધીમાં દેશમાં પાણીની કટોકટી સર્જાઈ શકે છે. 


Whatsapp-channel Whatsapp-channel

03 April, 2024 09:17 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK