વાઘા-અટારી બૉર્ડર પર પાકિસ્તાની રેન્જરે ભારતના સિનિયર અધિકારીને સલામ કરી

વિડિયો વાઇરલ થયો

તસવીર સૌજન્યઃ સોશ્યલ મીડિયા

અટારી-વાઘા સરહદ ક્રૉસિંગનો એક વિડિયો વાઇરલ છે, જેમાં એક પાકિસ્તાની રેન્જર દૈનિક ઔપચારિક પરેડ દરમિયાન ભારતીય સૈન્યના એક વરિષ્ઠ અધિકારીને સલામી આપતો જોવા મળે છે. સરહદની બન્ને બાજુ ચર્ચા જગાવનાર આ ક્લિપમાં નિયમિત સમારંભ દરમ્યાન દરવાજા પાસે ભેગા થયેલા દર્શકો દેખાય છે. કાર્યવાહી દરમ્યાન એક પાકિસ્તાની રેન્જર સરહદની પેલે પાર ઊભેલા ભારતીય સૈન્ય અધિકારીને ઔપચારિક લશ્કરી સલામી આપતો જોવા મળે છે. અધિકારી નમ્રતાપૂર્વક હકાર સાથે આ હાવભાવનો સ્વીકાર કરે છે.

પાકિસ્તાને ભારત સાથેની સરહદ નજીક ૨૫૦ ચાઇનીઝ તોપો તહેનાત કરી

ADVERTISEMENT

ઑપરેશન સિંદૂર દરમ્યાન થયેલા નુકસાન બાદ પાકિસ્તાને ભારત સાથેની એની સરહદ પર ૨૫૦ તોપ તહેનાત કરી હોવાનું ગુપ્તચર અહેવાલો જણાવે છે. પાકિસ્તાને ભારત સાથેની સરહદ પર ચીની બનાવટની હોવિત્ઝર તોપો તહેનાત કરવાનું પગલું ઑપરેશન સિંદૂરના મહિનાઓ પછી લીધું છે.