° °

આજનું ઇ-પેપર
Sunday, 22 May, 2022


Telangana: મહિલા પર બળાત્કાર, પછી હત્યા અને મૃતદેહ સાથે ફરી દુષ્કર્મ, આરોપી ઝડપાયો

12 May, 2022 08:21 PM IST | Hyderabad
Gujarati Mid-day Online Correspondent | gmddigital@mid-day.com

પોલીસના જણાવ્યા અનુસાર, આ ઘટના ચૌતુપ્પલ શહેરની છે

પ્રતીકાત્મક તસવીર

પ્રતીકાત્મક તસવીર

તેલંગાણાના હૈદરાબાદથી 50 કિલોમીટર દૂર આવેલા ચૌતુપ્પલ નગરમાંથી એક ભયાનક ઘટના પ્રકાશમાં આવી છે, જેમાં એક 25 વર્ષીય યુવકની એક મહિલા પર બળાત્કાર, પછી તેણીને ઢોર માર મારવા અને બાદમાં તેના શરીર સાથે દુષ્કર્મ કરવા બદલ ધરપકડ કરવામાં આવી છે. દુષ્કર્મ આચર્યા બાદ આરોપી મહિલાના સોનાના દાગીનાની ચોરી કરીને ફરાર થઈ ગયો હતો. આરોપી વ્યવસાયે કન્સ્ટ્રક્શન સુપરવાઈઝર હતો.

પોલીસના જણાવ્યા અનુસાર, આ ઘટના ચૌતુપ્પલ શહેરની છે જેમાં આરોપીએ 9 મેના રોજ મહિલા પર બળાત્કાર ગુજાર્યો હતો. ત્યારબાદ એક કલાકમાં તેણે મહિલાની પણ હત્યા કરી નાખી હતી. કન્સ્ટ્રક્શન સુપરવાઈઝર તરીકે કામ કરતો આરોપી 24 વર્ષીય પીડિતાનો પીછો કરી રહ્યો હતો, જે તેના પતિ સાથે તેના ઘર પાસેના એક ગોડાઉનમાં રહેતી હતી.

આ દરમિયાન આરોપીએ જોયું કે મહિલા લાંબા સમયથી એકલી રહે છે જ્યારે પતિ નજીકની કૉલેજમાં ચોકીદાર તરીકે કામ કરે છે. આવી સ્થિતિમાં આરોપી 9 મે, સોમવારે વેરહાઉસમાં ઘૂસ્યો અને જાનથી મારી નાખવાની ધમકી આપીને મહિલા પર બળાત્કાર કર્યો, પરંતુ એક કલાકમાં તેણે મહિલાની હત્યા કરી નાખી. આરોપીને ડર હતો કે તેનો પર્દાફાશ થશે.

ચૌતુપ્પલના આસિસ્ટન્ટ કમિશનર ઓફ પોલીસ (એસીપી) ઉદય રેડ્ડીના જણાવ્યા અનુસાર આરોપીએ મહિલાના માથા પર મંદ વસ્તુ વડે માર મારીને હત્યા કરી હતી અને પછી શરીર પર વારંવાર બળાત્કાર કર્યો હતો. આ જઘન્ય ગુના બાદ તે મહિલાના સોનાના દાગીનાની ચોરી કરીને સ્થળ પરથી ફરાર થઈ ગયો હતો. પીડિતાના પતિએ આપેલી પોલીસ ફરિયાદના આધારે પોલીસે બળાત્કાર, હત્યા અને IPCની અન્ય સંબંધિત કલમોનો કેસ નોંધ્યો હતો.

તપાસ દરમિયાન, પોલીસે વિસ્તારના લોકો સાથે વાત કર્યા પછી આરોપીને ઓળખી કાઢ્યો અને ઘટનાસ્થળથી માંડ એક કિલોમીટર દૂર મલકાપુર ગામમાંથી બુધવારે, 11 મેના રોજ તેની ધરપકડ કરી હતી. પોલીસે તેના કબજામાંથી ચોરીના દાગીના કબજે કર્યા હતા અને તેને કોર્ટમાં રજૂ કર્યો હતો, જ્યાંથી તેને જ્યુડિશિયલ રિમાન્ડ પર મોકલવામાં આવ્યો હતો.

12 May, 2022 08:21 PM IST | Hyderabad | Gujarati Mid-day Online Correspondent

અન્ય લેખો

રાષ્ટ્રીય સમાચાર

વારાણસીની જ્ઞાનવાપી મસ્જિદ વિશેનીપોસ્ટ બદલ દિલ્હી યુનિવર્સિટીના પ્રોફેસરની ધરપકડ

નૉર્થ દિલ્હીના સાઇબર પોલીસ સ્ટેશનના અધિકારીઓ દ્વારા અસોસિએટ પ્રોફેસર રતન લાલની ધરપકડ કરવામાં આવી હતી. અદાલતે ગઈ કાલે તેના જામીન મંજૂર કર્યા હતા.

22 May, 2022 06:48 IST | Mumbai | Gujarati Mid-day Correspondent
રાષ્ટ્રીય સમાચાર

કેન્દ્ર સરકારે પેટ્રોલ પર 8 રૂપિયા અને ડીઝલ પર 6 રૂપિયા એક્સાઈઝ ડ્યુટી ઘટાડી

12 સિલિન્ડર સુધીના દરેક સિલિન્ડર પર 200 રૂપિયાની સબસિડી આપવામાં આવશે

21 May, 2022 09:06 IST | Mumbai | Gujarati Mid-day Online Correspondent
રાષ્ટ્રીય સમાચાર

હરિયાણાના પૂર્વ સીએમ ઓપી ચૌટાલા અપ્રમાણસર સંપત્તિ કેસમાં દોષી ઠેરવાયા, જાણો વિગત

હવે ૨૬ મેના રોજ તેમની સજા પણ દલીલો કરવામાં આવશે

21 May, 2022 05:24 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK