Sri Ganganagar Minor Rape Case: શ્રીગંગાનગરમાં 13 વર્ષની સગીરા સાથે થયેલા સામૂહિક દુષ્કર્મ કેસમાં પોલીસે વધુ 3 આરોપીઓની ધરપકડ કરી છે. હવે સુધી કુલ 18 આરોપીઓ ઝડપાઈ ચૂક્યા છે.
પ્રતીકાત્મક તસવીર
શ્રીગંગાનગરમાં 13 વર્ષની સગીરા સાથે થયેલા Gang Rape Caseમાં પોલીસે વધુ 3 આરોપીઓની ધરપકડ કરી છે. પોલીસે સીસીટીવી ફૂટેજના આધારે આ ત્રણેય આરોપીઓને ઝડપી પાડ્યા છે. આરોપીઓએ હોટલમાં સગીરા સાથે દુષ્કર્મ કર્યું હોવાનું સામે આવ્યું છે. આ કેસમાં અત્યાર સુધી કુલ 18 લોકોની ધરપકડ થઈ ચૂકી છે. બીજી તરફ પ્રશાસને પણ કડક કાર્યવાહી શરૂ કરી છે. ઘટનાથી જોડાયેલી 3 હોટલોના ગેરકાયદેસર બાંધકામ પર બુલડોઝર ચલાવી તેને સંપૂર્ણપણે તોડી પાડવામાં આવ્યા છે.
સીસીટીવી ફૂટેજથી વધુ 3 આરોપીઓ પોલીસના હાથે ઝડપાયા
ADVERTISEMENT
શ્રીગંગાનગરમાં 13 વર્ષની સગીરા સાથે થયેલા ગેંગ રેપ કેસ (Sri Ganganagar Minor Rape Case)માં પોલીસને વધુ એક મોટી સફળતા મળી છે. પોલીસે ઊંડાણપૂર્વક તપાસ કરીને વધુ 3 આરોપીઓની ધરપકડ કરી છે. પોલીસના જણાવ્યા મુજબ, ઘટનાસ્થળ અને તેની આસપાસના વિસ્તારના સીસીટીવી ફૂટેજ એકત્ર કરવામાં આવ્યા હતા. ત્યારબાદ આ ફૂટેજની વૈજ્ઞાનિક રીતે વિગતવાર તપાસ કરવામાં આવી. તપાસ દરમિયાન ત્રણેય આરોપીઓની ઘટનાસ્થળે હાજરી અને તેમની સંડોવણી સ્પષ્ટ થઈ હતી. પૂરતા પુરાવા મળતા જ પોલીસે તરત જ અલગ-અલગ જગ્યાએ દરોડા પાડીને ત્રણેય આરોપીઓને ઝડપી પાડ્યા હતા.
ઝડપાયેલા ત્રણેય આરોપીઓ પર હોટલના રૂમમાં સગીરા સાથે દુષ્કર્મ (Sri Ganganagar Minor Rape Case) કરવાનો આરોપ છે. તપાસમાં સામે આવ્યું છે કે આરોપીઓએ કાયદાની કોઈ પરવા કર્યા વગર આ ગંભીર ગુનો કર્યો હતો. હવે પોલીસ ત્રણેય આરોપીઓના અગાઉના ગુનાહિત રેકોર્ડની પણ તપાસ કરી રહી છે. સાથે જ આ સમગ્ર ઘટનામાં હોટલના સ્ટાફ અથવા મેનેજરની સીધી કોઈ ભૂમિકા હતી કે નહીં, તેની પણ તપાસ ચાલી રહી છે.
આ કેસમાં અત્યાર સુધી 18 આરોપીઓની ધરપકડ
આ ચોંકાવનારા કેસમાં પોલીસ શરૂઆતથી જ કડક કાર્યવાહી કરી રહી છે. નવી ધરપકડ બાદ આ Gang Rape Caseમાં (Sri Ganganagar Minor Rape Case) અત્યાર સુધી કુલ 18 આરોપીઓ ઝડપાઈ ચૂક્યા છે. પોલીસ અધિકારીઓનું કહેવું છે કે આ કોઈ એકલદોકલ ઘટના નહોતી. આ સમગ્ર મામલા પાછળ એક સંગઠિત ગેંગ સક્રિય હતી. આ ગેંગ સગીરાઓને ફોસલાવીને આવા ગંભીર ગુનાઓમાં ધકેલતી હોવાનો પોલીસને શંકા છે. કેસની ગંભીરતાને ધ્યાનમાં રાખીને ઉચ્ચ અધિકારીઓ સતત તપાસ પર નજર રાખી રહ્યા છે. જેથી કોર્ટમાં મજબૂત ચાર્જશીટ દાખલ કરી શકાય અને આરોપીઓને કડક સજા અપાવી શકાય.
પ્રશાસનની કડક કાર્યવાહી, 3 હોટલો પર ચાલ્યું બુલડોઝર
આ ગંભીર ગુનામાં માત્ર પોલીસે જ નહીં, પરંતુ જિલ્લા પ્રશાસને પણ કડક કાર્યવાહી (Sri Ganganagar Minor Rape Case) કરી છે. આરોપીઓ સામે કડક સંદેશ આપવા માટે પ્રશાસને મોટું પગલું ભર્યું છે. કેસ સાથે જોડાયેલી 3 હોટલો સામે બુલડોઝર કાર્યવાહી કરવામાં આવી છે. હોટલો દ્વારા કરવામાં આવેલા ગેરકાયદે બાંધકામ અને અતિક્રમણને સંપૂર્ણપણે તોડી પાડવામાં આવ્યા છે. પ્રશાસનનું સ્પષ્ટ કહેવું છે કે ગુનાહિત પ્રવૃત્તિઓને આશરો આપતા કોઈપણ વેપારી સ્થળને કોઈ પણ સંજોગોમાં છોડવામાં નહીં આવે.
