° °

આજનું ઇ-પેપર
Sunday, 11 April, 2021

કેટલાક OTT પ્લૅટફૉર્મ્સ પર દર્શાવાતી પૉર્નોગ્રાફિક મામલે સુપ્રીમ ચિંતિત

05 March, 2021 10:34 AM IST | New Delhi | Agency

કેટલાક OTT પ્લૅટફૉર્મ્સ પર દર્શાવાતી પૉર્નોગ્રાફિક મામલે સુપ્રીમ ચિંતિત

સૈફ અલી ખાન

સૈફ અલી ખાન

સુપ્રીમ કોર્ટે ગુરુવારે જણાવ્યું હતું કે કેટલાંક ઓવર-ધ-ટૉપ (ઓટીટી) પ્લૅટફૉર્મ્સ પૉર્નોગ્રાફી પ્રકારની સામગ્રી દર્શાવે છે અને આવા કાર્યક્રમોનું નિયમન થવું જોઈએ.

જસ્ટિસ અશોક ભૂષણના વડપણ હેઠળની બેન્ચે સૉલિસિટર જનરલ તુષાર મહેતાને સોશ્યલ મીડિયા પ્લૅટફૉર્મ્સના નિયમન માટે સરકારની તાજેતરની માર્ગદર્શિકા શુક્રવારે એની સમક્ષ રજૂ કરવા જણાવ્યું હતું. એ દિવસે બેન્ચ ‘તાંડવ’ વેબ-સિરીઝ સામે નોંધાવવામાં આવેલા એફઆઇઆર મામલે ઍમેઝૉન પ્રાઇમ વિડિયોના ભારતનાં હેડ અપર્ણા પુરોહિતના આગોતરા જામીન ફગાવતાં અલાહાબાદ હાઈ કોર્ટના આદેશને પડકારતી અરજીની સુનાવણી હાથ ધરશે.

સંતુલન સધાવું જરૂરી છે, કારણ કે કેટલાંક ઓટીટી પ્લૅટફૉર્મ્સ પૉર્નોગ્રાફિક સામગ્રી દર્શાવી રહ્યાં છે, એમ જસ્ટિસ આર. એસ. રેડ્ડીને પણ સમાવતી બેન્ચે જણાવ્યું હતું.

અપર્ણા પુરોહિતના વકીલ સિનિયર ઍડ્વોકેટ રોહતગીએ પુરોહિત વિરુદ્ધનો કેસ ‘આઘાતજનક’ ગણાવતાં જણાવ્યું હતું કે ‘પુરોહિત ઍમેઝૉનની કર્મચારી છે અને તેઓ શોનાં નિર્માત્રી પણ નથી કે એમાં અભિનય પણ નથી કર્યો. તેમ છતાં, દેશભરમાં વેબ-સિરીઝ પરના ૧૦ જેટલા કેસમાં તેમને આરોપી બનાવાયા છે.’

નવ એપિસોડની રાજકીય થ્રિલર ‘તાંડવ’માં સૈફ અલી ખાન, ડિમ્પલ કાપડિયા અને મોહમ્મદ ઝીશાન ઐયુબ જેવા સ્ટાર્સ ચમકી રહ્યા છે. પુરોહિત પર ઉત્તર પ્રદેશના પોલીસ બેડા, હિન્દુ દેવતાઓનાં અયોગ્ય ચિત્રણ તથા વેબ-સિરીઝમાં વડા પ્રધાન બની રહેલા પાત્રના વિપરીત વર્ણનનો આરોપ મૂકવામાં આવ્યો છે.

05 March, 2021 10:34 AM IST | New Delhi | Agency

અન્ય લેખો

રાષ્ટ્રીય સમાચાર

વૅક્સિનની તંગીથી ગરીબ દેશો સહિત કુલ ૬૦ દેશો પરેશાન

‘કોવૅક્સ’ના માધ્યમથી છેલ્લા એક અઠવાડિયામાં રોજ એક વખતમાં ૨૫,૦૦૦ ડોઝ, એમ બે વખત નિર્ધારિત તારીખે રવાના કરી શકાયા હતા. એ બધી ડિલિવરીઝ સોમવારથી અટકી છે. 

11 April, 2021 12:38 IST | London | Agency
રાષ્ટ્રીય સમાચાર

૨૪ કલાકમાં દોઢ લાખ નવા કેસ

છ મહિના બાદ ઍક્ટિવ કેસની સંખ્યા ૧૦ લાખને પાર

11 April, 2021 12:49 IST | New Delhi | Agency
રાષ્ટ્રીય સમાચાર

વૅક્સિન વગર નો એન્ટ્રી

આવું જ એક બૅનર લગાવતો સિક્યૉરિટી ગાર્ડ. પી.ટી.આઇ.

11 April, 2021 12:12 IST | Mumbai | Agency

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK