Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > પૃથ્વીને બચાવવાનું નાસાનું મિશન સફળ

પૃથ્વીને બચાવવાનું નાસાનું મિશન સફળ

28 September, 2022 02:01 PM IST | New Delhi
Gujarati Mid-day Correspondent | feedbackgmd@mid-day.com

ગઈ કાલે વહેલી સવારે ઍસ્ટેરૉઇડ સાથે અથડાયું ડાર્ટ અવકાશયાન

પૃથ્વીને બચાવવાનું નાસાનું મિશન સફળ

પૃથ્વીને બચાવવાનું નાસાનું મિશન સફળ


નવી દિલ્હી ઃ ભવિષ્યમાં ઍસ્ટેરૉઇડ પૃથ્વી સાથે અથડાય તો એના માટેની તૈયારી કરતું નાસાનું ઍસ્ટેરૉઇડ-ડિફ્લેક્ટિંગ (ડાર્ટ) મિશન એ દિશામાં પહેલું પગલું છે, કારણ કે આજથી ૬.૬ કરોડ વર્ષ પહેલાં આવું જ એક ઍસ્ટેરૉઇડ પૃથ્વી સાથે અથડાયું હતું, જેને કારણે ડાયનોસૉર માર્યા ગયા હતા. ભલે હાલ એની શક્યતા ઓછી હોય, તેમ છતાં જો એવું બન્યું તો કઈ રીતે અવકાશી ખડકોથી પૃથ્વીને સુર​ક્ષિત રાખી શકાય એની ચકાસણી કરી શકાશે. ગઈ કાલે ડાર્ટ અવકાશયાન આવા જ એક ઍસ્ટેરૉઇડ સાથે અથડાયું હતું. વૈજ્ઞાનિકો આ મિશનની અસર જાણ્યા બાદ મોટા ઍસ્ટેરૉઇડ માટે પણ તૈયારી કરશે.

નાસાએ અવકાશયાનને જાણી જોઈને ઍસ્ટેરૉઇડ સાથે અથડાવ્યું હતું. નાસાના ડાર્ટ મિશન સાથે સંકળાયેલા બૅન્ગલોરના ભારતીય વૈજ્ઞાનિકે કહ્યું હતું કે આગામી ૧૦૦ વર્ષ સુધી તો પૃથ્વી સાથે કોઈ ઍસ્ટેરૉઇડ ટકરાય એવી શક્યતા નથી, જેને કારણે સામુહિક જાનહાનિ થઈ શકે, તેમ છતાં આપણે તૈયાર રહેવું જરૂરી છે.’ 
નાના ઍસ્ટેરૉઇડ પૃથ્વી સાથે અથડાતા રહે છે, પરંતુ વાતાવરણમાં ઉત્પન્ન થતી ગરમીને કારણે એ બળી જાય છે. ડાર્ટ મિશનની સફળતા બાદ હવે વૈજ્ઞાનિકો એ વાતની ચકાસણી કરશે કે કઈ રીતે ઍસ્ટેરૉઇડની ભ્રમણકક્ષાને બદલી શકાય. 



 આ મિશન ભવિષ્ય માટે જોખમી ઍસ્ટેરૉઇડથી બચાવ કરવામાં મદદ કરશે. આ મિશન ઍસ્ટેરૉઇડને માર્ગ બદલવા માટે વિચલિત કરતું એક પ્રાયોગિક મિશન છે. ભવિષ્યમાં પૃથ્વી તરફ આવતા ઍસ્ટેરૉઇડને સલામત અંતરથી માર્ગ બદલવા માટે વિચલિત કરી શકીએ છીએ. 
ગૌતમ ચટ્ટોપાધ્યાય, નાસાની જેટ પ્રોપલ્શન લૅબોરેટરી (જેપીએલ)ના વૈજ્ઞાનિક.


Whatsapp-channel Whatsapp-channel

28 September, 2022 02:01 PM IST | New Delhi | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK