Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > કૉન્ગ્રેસને આવકવેરા ખાતાની મોટી રાહત

કૉન્ગ્રેસને આવકવેરા ખાતાની મોટી રાહત

02 April, 2024 09:18 AM IST | Mumbai
Gujarati Mid-day Correspondent | feedbackgmd@mid-day.com

સુપ્રીમમાં કહ્યું કે લોકસભાની ચૂંટણી સુધી કોઈ કાર્યવાહી નહીં કરીએ

સુપ્રીમ કોર્ટની તસવીર

સુપ્રીમ કોર્ટની તસવીર


આવકવેરા ખાતાએ કૉન્ગ્રેસને ટૅક્સ ભરવા માટે જે નોટિસ મોકલી હતી એમાં આશરે ત્રણ મહિનાની રાહત આપી છે. ગઈ કાલે સુપ્રીમ કોર્ટમાં સુનાવણી વખતે ઇન્કમ-ટૅક્સ વિભાગે જણાવ્યું હતું કે હાલમાં લોકસભાની ચૂંટણીનો સમય ચાલી રહ્યો છે ત્યારે અમે નાણાંની રિકવરી માટે કોઈ કાર્યવાહી નહીં કરીએ. આ કેસમાં હવે ૨૪ જુલાઈએ સુનાવણી થશે.

આશરે ૩૫૬૭ કરોડ રૂપિયાની ચુકવણી કરી દેવા માટે કૉન્ગ્રેસને ઇન્કમ-ટૅક્સ ખાતા તરફથી નોટિસ મળતાં એણે સુપ્રીમ કોર્ટનો દરવાજો ખખડાવ્યો હતો. કૉન્ગ્રેસે સત્તાધારી ભારતીય જનતા પાર્ટી (BJP) પર ટૅક્સ-ટેરરિઝમનો આરોપ લગાવીને કહ્યું હતું કે સત્તાધારી પાર્ટી ચૂંટણી સમયે અમારી નાણાકીય સ્થિતિ બગાડવા માગે છે. કૉન્ગ્રેસે આ મુદ્દે ચૂંટણી પંચને પણ દખલગીરી કરવાની વિનંતી કરી હતી. 



જસ્ટિસ બી. વી. નાગરત્નાની બેન્ચ સમક્ષ સુનાવણીમાં સૉલિસિટર જનરલ તુષાર મહેતાએ દલીલો રજૂ કરતાં કહ્યું હતું કે અમે ૧૭૦૦ કરોડ રૂપિયાની નોટિસ મોકલી છે, પણ હાલમાં ચૂંટણી ચાલી રહી હોવાથી અમે રિકવરીની કોઈ કાર્યવાહી હમણાં નહીં કરીએ.


૨૦૨૪માં ૨૦ ટકા ચુકવણી કરવાનો વિકલ્પ આપીને ૧૩૫ કરોડ રૂપિયાની રિકવરી કરી દેવામાં આવી છે. ત્યાર બાદ ૧૭૦૦ કરોડ રૂપિયાની ડિમાંડ કરવામાં આવી છે.
સુપ્રીમ કોર્ટે આ તબક્કે પૂછ્યું હતું કે શું તમે જે ડિમાન્ડ છે એને સ્થગિત કરો છો? ત્યારે તુષાર મહેતાએ જણાવ્યું હતું કે નહીં, હમણાં ચૂંટણી ચાલી રહી હોવાથી કાર્યવાહી નહીં કરીએ. હવે કેસની સુનાવણી જૂનના બીજા અઠવાડિયામાં કરવામાં આવે.


Whatsapp-channel Whatsapp-channel

02 April, 2024 09:18 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK