ધોનીએ જે કંપનીમાં ઇન્વેસ્ટમેન્ટ કર્યું હતું એણે લૉન્ચ કરી ૩૫,૦૦૦ની ઈ-સાઇકલ

આ ઈ-સાઇકલની કિંમત ૩૪,૯૯૯ છે જેને કંપનીની ડીલરશિપ, વેબસાઇટ, ફ્લિપકાર્ટ અને ઍમૅઝૉન પરથી ખરીદી શકાશે.

મહેન્દ્ર સિંહ ધોની

ભૂતપૂર્વ ઇન્ડિયન ક્રિકેટ ટીમના કૅપ્ટન મહેન્દ્ર સિંહ ધોનીએ ઈ-સાઇકલ બનાવતી કંપની ઇમોટોરેડમાં ઇન્વેસ્ટમેન્ટ કર્યું હતું. આ કંપનીએ એની ઈ-સાઇકલ ટી-રેક્સ ઍરને ઑરેન્જ બ્લેઝ અને ટ્રૉપિકલ ગ્રીન એમ બે કલરમાં લૉન્ચ કરી છે. આ ઈ-સાઇકલની કિંમત ૩૪,૯૯૯ છે. એને કંપનીની ડીલરશિપ, વેબસાઇટ, ફ્લિપકાર્ટ અને ઍમૅઝૉન પરથી ખરીદી શકાશે. આ સાઇકલમાં ૨૭.૫ ઇંચનાં ટાયર છે અને 10.2AHની રિમૂવેબલ બૅટરી છે. આ સાઇકલ પચીસની સ્પીડ પર ૫૦ કિલોમીટર સુધી ચાલી શકે છે અને એ ૧૧૦ કિલો સુધીના વજનની કૅપેસિટી ધરાવે છે. આ સાઇકલની બૅટરી ફુલ ચાર્જ થતાં બે-ત્રણ કલાક લાગે છે તેમ જ સાઇકલમાં ડિજિટલ ડિસ્પ્લે પણ છે. આ સાઇકલ પર કંપની પાંચ વર્ષની વૉરન્ટી અને બૅટરી પર બે વર્ષની વૉરન્ટી આપે છે. પુણેની આ કંપનીમાં ધોનીએ આ વર્ષે ઇન્વેસ્ટમેન્ટ કર્યું છે. ઇમોટોરેડ કંપની સૌથી મોટી ઇલેક્ટ્રિક સાઇકલનું ઉત્પાદન કરતી ફૅક્ટરી બનવા જઈ રહી છે.