મુંબઈમાં કોસ્ટલ રોડને બાંદ્રા વર્લી-સી લિંક સાથે જોડવામાં આવ્યો

BMCના મુંબઈ કોસ્ટલ રોડ પ્રોજેક્ટ આર્ક સ્ટ્રિંગ ગર્ડર (બ્રિજ)ને 26 એપ્રિલના રોજ સફળતાપૂર્વક સ્થાપવામાં આવ્યો હતો. ઘણી અપેક્ષાઓ બાદ આખરે મુંબઈ કોસ્ટલ રોડ પ્રોજેક્ટ અને બાંદ્રા-વરલીસી લિંક સફળતાપૂર્વક જોડાઈ ગયા. અગાઉ, બૃહન્મુંબઈ મ્યુનિસિપલ કોર્પોરેશન (BMC)એ તેના 2022-23ના બજેટમાં તેના મહત્વાકાંક્ષી મુંબઈ કોસ્ટલ રોડ પ્રોજેક્ટ માટે રૂ. 3200 કરોડ ફાળવ્યા હતા. BMCના ડેટા મુજબ કોસ્ટલ રોડ પ્રોજેક્ટને BMC દ્વારા વર્ષ 2022-23 માટે બજેટ ફાળવણીનો સૌથી વધુ હિસ્સો 17 ટકા મળ્યો છે. આનાથી મુસાફરોને ફાયદો થવાનો છે. ખાસ કરીને સવારે અને સાંજે જ્યારે ભારે ટ્રાફિક હોય ત્યારે પીક અવર્સ દરમિયાન ફાયદો થશે.