° °

આજનું ઇ-પેપર
Wednesday, 01 February, 2023


ઇન્ટરનૅશનલ ઍરપોર્ટ પર સર્વર ડાઉન થતાં પૅસેન્જર્સ થયા હેરાન

02 December, 2022 08:52 AM IST | Mumbai
Gujarati Mid-day Correspondent | feedbackgmd@mid-day.com

બધાં જ કામ ઠપ થઈ જવાને કારણે લાંબી લાઇનો લાગી અને ફ્લાઇટ‍્સ પણ મોડી પડી

ફાઇલ તસવીર

ફાઇલ તસવીર

મુંબઈ : મુંબઈના છત્રપતિ શિવાજી ઇન્ટરનૅશનલ ઍરપોર્ટના ટર્મિનલ-બે પર ગઈ કાલે સર્વર ડાઉન થવાથી મોટા ભાગનાં કામકાજ ઠપ થઈ ગયાં હતાં અને દરેક કાઉન્ટર પર પૅસેન્જરોની લાંબી લાઇન લાગી ગઈ હતી. જોકે એ વખતે મૅન્યુઅલી ચેકિંગ કરીને બોર્ડિંગ પાસ ઇશ્યુ કરાતા હતા. એમ છતાં અનેક પ્રવાસીઓ હેરાન થયા હતા. સામા પક્ષે ઍરલાઇન્સને પણ આ બાબતની જાણ કરવામાં આવી હતી અને અનેક ફ્લાઇટો મોડી ઊપડી હતી તથા મોડી પહોંચી હતી.

પૅસેન્જરોની પડેલી હાડમારી બાબતે ખેદ વ્યક્ત કરતાં છત્રપતિ શિવાજી મહારાજ ઇન્ટરનૅશનલ ઍરપોર્ટના પ્રવક્તાએ કહ્યું હતું કે ‘હાલ શહેરમાં થઈ રહેલા ડેવલપમેન્ટના કામના કારણે નેટવર્ક ખોરવાઈ ગયું હતું અને સમસ્યા ઊભી થઈ હતી. અમે પૅસેન્જરોને પણ વિનંતી કરી હતી અને તેમને ચેક-ઇન માટે થોડો વધારે સમય લાગશે એમ જણાવ્યું હતું. એની સાથે જ ઍરલાઇન્સને પણ જાણ કરી હતી. અમારો સ્ટાફ ઍરપોર્ટ પર તહેનાત હતો અને તેમના દ્વારા મૅન્યુઅલી પ્રોસેસિંગ ચાલુ કરાયું હતું. અમે પ્રવાસીઓને વેઠવી પડેલી હાડમારી બદલ દિલગીર છીએ અને તેમણે આપેલા સહકાર બદલ તેમનો આભાર માનીએ છીએ.’

એવું જાણવા મળ્યું હતું કે એક મહત્ત્વનો કેબલ બ્રેક થતાં આ સમસ્યા સર્જાઈ હતી. અનેક પૅસેન્જરોએ કલાકો સુધી લાઇનમાં ઊભા રહેવું પડ્યું હતું, જેને કારણે તેઓ અકળાઈ ગયા હતા. ઘણા પૅસેન્જરોએ ટ્વીટ કરીને આ પરિસ્થિતિનાં સોશ્યલ મીડિયામાં પિક્ચર પણ પોસ્ટ કર્યાં હતાં. કેટલાક પ્રવાસીઓએ ઍરલાઇન્સોને પણ વખોડી હતી અને તેમના પ્રવાસીઓને પાણી, ચા કે કૉફી માટે પણ પૂછવામાં ન આવ્યું હોવાનું કહીને આક્રોશ ઠાલવ્યો હતો. લગભગ ૪૦ મિનિટ સુધી નેટવર્ક બંધ રહ્યું હતું. એ પછી નેટવર્ક ફરી પાછું ચાલુ થતાં ધીમે-ધીમે પરિસ્થિતિ થાળે પડી હતી. જોકે પ્રવાસીઓએ તો કલાકો સુધી હાડમારી વેઠવી પડી હતી.  

02 December, 2022 08:52 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

ફ્લાઇટમાં નશામાં ધુત ઇટલીની મહિલાએ બિઝનેસ ક્લાસમાં બેસવા ક્રૂ મેમ્બરને માર્યો

ફ્લાઇટ મુંબઈ ઍરપોર્ટ પર પહોંચ્યા બાદ ૪૫ વર્ષની ઇટાલિયન મહિલા સામે ફરિયાદ નોંધાવાતાં પોલીસે તેની ધરપકડ કરી

01 February, 2023 08:10 IST | Mumbai | Gujarati Mid-day Correspondent
મુંબઈ સમાચાર

ફ્લાઇટમાં વધુ એક હંગામો : મહિલા પ્રવાસીએ અચાનક ઉતાર્યા કપડાં, પછી…

વિસ્તારાની ફ્લાઇટમાં ઇટાલીની મહિલાએ ક્રૂ મેમ્બરને માર્યા મુક્કા, પોલીસે કરી ધરપકડ

31 January, 2023 01:00 IST | Mumbai | Gujarati Mid-day Online Correspondent
મુંબઈ સમાચાર

મુંબઈ એરપોર્ટ પર ફ્લાઈટના લેન્ડિંગ પહેલા પેસેન્જરનો ઈમરજન્સી ગેટ ખોલવાનો પ્રયાસ

નાગપુરથી મુંબઈની ફ્લાઈટ (Nagpur To Mumbai)માં મુસાફરી કરી રહેલા એક મુસાફરે ઉતરાણ પહેલા ઈમરજન્સી એક્ઝિટ કવર ખોલવાનો પ્રયાસ કર્યો હતો.

29 January, 2023 02:45 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK