° °

આજનું ઇ-પેપર
Tuesday, 27 September, 2022


ઘાટકોપરમાં ટેક્સી ચાલકે રિક્ષા, ટેમ્પો, બાઇકને મારી ટક્કર; કુલ આઠ લોકો ઘાયલ

21 September, 2022 08:44 PM IST | Mumbai
Gujarati Mid-day Online Correspondent | gmddigital@mid-day.com

આ અકસ્માત ઘાટકોપરમાં બપોરે 1 વાગ્યાની આસપાસ થયો હતો

પ્રતીકાત્મક તસવીર

પ્રતીકાત્મક તસવીર

મુંબઈના ઘાટકોપર (Ghatkopar Accident)માં એક ચોંકાવનારી ઘટના સામે આવી છે. ટેક્સી ચાલકે આઠ લોકોને ટક્કર મારી છે. આ ભયંકર અકસ્માત ઘાટકોપરના સુધા પાર્ક વિસ્તારમાં થયો હતો. ટેક્સી ચાલકે ત્રણ રિક્ષા, એક ટેમ્પો અને બે બાઇકને ટક્કર મારી હતી. આ અકસ્માતમાં આઠ લોકો ઘાયલ થયા છે. ઘાયલોમાં ત્રણ વિદ્યાર્થીઓ પણ સામેલ છે. તેને સારવાર માટે રાજાવાડી હોસ્પિટલમાં દાખલ કરવામાં આવ્યા છે.

અકસ્માત કેવી રીતે થયો?

આ અકસ્માત ઘાટકોપરમાં બપોરે 1 વાગ્યાની આસપાસ થયો હતો. આ ટેક્સી ચાલકે ઘાટકોપરના કામરાજનગરમાં રહેતો હોવાનું જાણવા મળ્યું છે. આજે બપોરે સુધા પાર્ક વિસ્તારમાં કાર ચલાવતી વખતે અચાનક કારે સ્પીડ પકડી હતી. આ સમયે રસ્તા પર આવતા વાહનોને ટક્કર મારતા તે હાઈવે તરફ ગયો હતો. અથડામણ સમયે રસ્તા પર વિદ્યાર્થીઓ પણ હતા.

અકસ્માત બાદ પોલીસે તરત જ ઓલા ડ્રાઇવર રાજુ યાદવની અટકાયત કરી હતી. અત્યાર સુધીમાં આઠ લોકોને રાજાવાડી હોસ્પિટલમાં સારવાર માટે દાખલ કરવામાં આવ્યા છે. દરમિયાન, ઝોન 5ના ડેપ્યુટી કમિશનર પ્રશાંત કદમ પોતે ઘાયલોની ખબર પૂછવા હોસ્પિટલ પહોંચ્યા છે.

ખરેખર શું થયું તે હજુ સ્પષ્ટ નથી. હજુ સુધી એ જાણવા મળ્યું નથી કે ડ્રાઈવરે કાબૂ ગુમાવ્યો હતો કે કારમાં કોઈ ખામી સર્જાઈ હતી કે પછી તે નશામાં હતો કે અન્ય કોઈ કારણ હતું. પોલીસે આ અંગે તપાસ હાથ ધરી છે.

21 September, 2022 08:44 PM IST | Mumbai | Gujarati Mid-day Online Correspondent

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK