MMRDAના વ્યાપક પરિવહન અહેવાલ મુજબ, તેણે તેના 337 કિમીના મેટ્રો પ્રોજેક્ટમાં મુંબઈ એરપોર્ટથી નવી મુંબઈ એરપોર્ટ મેટ્રો રૂટને મેટ્રો 8 તરીકે પ્રસ્તાવિત કર્યો છે
પ્રતીકાત્મક તસવીર
છત્રપતિ શિવાજી મહારાજ ઈન્ટરનેશનલ એરપોર્ટ (Chhatrapati Shivaji Maharaj Airport) અને નવી મુંબઈ એરપોર્ટ (Navi Mumbai Airport) વચ્ચેનું અંતર નજીકના ભવિષ્યમાં બે કલાકને બદલે માત્ર 30 મિનિટમાં પૂરું કરી શકાશે. મુંબઈ મેટ્રોપોલિટન રિજન ડેવલપમેન્ટ ઓથોરિટી (MMRDA) અને CIDCOએ મુંબઈ એરપોર્ટથી નવી મુંબઈ એરપોર્ટ મેટ્રો 8 લાઇનના નિર્માણ માટે કાર્ય શરૂ કર્યું છે. લગભગ 32 કિમીના આ ટ્રેક પર કામ કરવા માટે MMRDA અને CIDCO દ્વારા ટૂંક સમયમાં પ્રોજેક્ટ મેનેજમેન્ટ કન્સલ્ટન્ટની નિમણૂક કરવામાં આવશે.
337 કિલોમીટરના મેટ્રો પ્રોજેક્ટમાં પ્રસ્તાવિત
ADVERTISEMENT
MMRDAના વ્યાપક પરિવહન અહેવાલ મુજબ, તેણે તેના 337 કિમીના મેટ્રો પ્રોજેક્ટમાં મુંબઈ એરપોર્ટથી નવી મુંબઈ એરપોર્ટ મેટ્રો રૂટને મેટ્રો 8 તરીકે પ્રસ્તાવિત કર્યો છે. નવી મુંબઈ એરપોર્ટ શરૂ થયા પછી મુંબઈ અને નવી મુંબઈ વચ્ચે વધતા ટ્રાફિકને ધ્યાનમાં રાખીને, મુંબઈ એરપોર્ટથી નવી મુંબઈ એરપોર્ટ સુધીનો મેટ્રો 8 માર્ગ પ્રસ્તાવિત કરવામાં આવ્યો છે, પરંતુ હજુ સુધી માર્ગ સાફ કરવા માટે કોઈ નક્કર પગલાં લેવાયા નથી, પરંતુ આ માર્ગ બનાવવા માટે સિડકો અને એમએમઆરડીએ પ્રવૃત્તિઓ શરૂ કરી છે.
MMRDA લગભગ 32 કિમીના આ રૂટના મુંબઈ ફેઝનું નિર્માણ કરશે, જ્યારે CIDCO નવી મુંબઈ વિસ્તારમાં ફેઝનું નિર્માણ કરશે. તદનુસાર, MMRDAએ દિલ્હી મેટ્રો રેલ કૉર્પોરેશન દ્વારા મુંબઈ એરપોર્ટથી માનખુર્દ સુધીના મેટ્રો 8ના 10.1 કિલોમીટરના તબક્કા માટે વિગતવાર પ્રોજેક્ટ પ્લાન તૈયાર કર્યો છે. સિડકોના મેનેજિંગ ડિરેક્ટર સંજય મુખર્જીએ લોકસત્તાને જણાવ્યું હતું કે “માનખુર્દથી નવી મુંબઈ એરપોર્ટ તબક્કાની ડિઝાઇન માટે સિડકોએ અર્બન માસ ટ્રાન્ઝિટ કંપનીની નિમણૂક કરી છે. આ યોજના આગામી પાંચ મહિનામાં પૂર્ણ થવાની સંભાવના છે. આ રૂટ પરના કામ માટે સિડકો તાત્કાલિક પ્રોજેક્ટ મેનેજમેન્ટ કન્સલ્ટન્ટની નિમણૂક કરશે.”
આ પણ વાંચો: શું રાતે આઠથી સવારે આઠ વચ્ચે ઍક્સિડન્ટ નથી થતા?
એમએમઆરડીએ ડિસેમ્બરના અંત સુધીમાં પ્રોજેક્ટ મેનેજમેન્ટ કન્સલ્ટન્ટની નિમણૂક કરે તેવી શક્યતા છે. એકંદરે મેટ્રો 8નો રૂટ ટૂંક સમયમાં ખોલવામાં આવે તેવી શક્યતા છે. નવી મુંબઈ એરપોર્ટનો પ્રથમ તબક્કો ડિસેમ્બર 2024માં કાર્યરત થવાની સંભાવના છે. તેના અનુસંધાનમાં સિડકોએ મેટ્રો 8નો રૂટ નાખવાની હિલચાલ તેજ કરી છે. જો આ માર્ગ કાર્યરત થઈ જશે તો મુંબઈ એરપોર્ટ અને નવી મુંબઈ એરપોર્ટ વચ્ચેનું અંતર ઘટી જશે.
